已經「入五」的李嘉欣，08 年下嫁富二代許晉亨，11 年為許家誕下慈菇定Jayden ，一向幸福滿瀉。上個月底，兩公婆慶祝結婚12 週年，李嘉欣在Ig 大曬維繫幸福婚姻的秘訣，就是「愛、尊重同奉獻」。
日前《壹仔》見到李氏一家三口享天倫樂，充份體現「愛」！現場所見，兩老婆行到邊拖到邊，十足十連體嬰。一向弗到爆的李嘉欣，竟然失守，側面睇明顯見到有少少肚腩仔，「大美人」似乎又要加操
4日減20磅
4日減20磅
88 年，當年只得18 歲的李嘉欣參選港姐，憑住「零死角」靚樣，加埋完美身材，大熱奪冠。被封為「史上最靚港姐」，李嘉欣靚足32 年。今年已經踏入50歲的她，時時刻刻都以最佳狀態見人，靚樣依然冇變！對自己的體態追求一向嚴謹，李嘉欣除了平日勤做運動、瑜珈，確保身上零脂肪。對於飲食，她亦會嚴格控制。李嘉欣曾經透露，她的keep 弗秘訣，只有一個字「忍」，用「意志力戰勝食慾」，對零食同油炸食物尤其敬而遠之。當年誕下Jayden之後，她只用4日，就減了20磅，真係意志力驚人。
鬢辮仔顯青春
鬢辮仔顯青春
不過，唔知係咪因為疫情關係，長時間留在家中，「大美人」终於都失守！穿上一身秋裝，李嘉欣的彩色橫間裙，既搶眼，又顯得青春。加上化了淡妝，鬢埋條辮仔，望落完全唔似50 歲。當日見她手手腳腳依然好纖瘦，唯獨側面睇，明顯見到小肚腩凸出。不過，對於已經「入五」的她，已經算keep 得好好，最緊要老公收貨！
9 歲Jayden 好定性
9 歲Jayden 好定性
當日許生許太仲戴住情侶口罩，一個粉紅，一個粉藍，襯到絕！兩公婆先去陪囝囝Jayden 睇英文書。在「虎媽」悉心調校之下，Jayden 成功入讀男拔，而且品學兼優。現場所見，Jayden 的確好乖，好定性，全程都跟實媽咪。買英文書時，Jayden 都有問daddy 意見。最後Jayden 揀了兩本英文書，當然由daddy埋單。- 17 年，有網友見到許晉亨為了幫老婆影靚相，在東京街頭執枯葉做道具。
許晉亨放低富二代架子
許晉亨放低富二代架子 結婚12 年，李嘉欣同許晉亨都堪稱「模範夫妻」。為了李嘉欣，許晉亨甘願放低「富二代」架子。自從誕下仔仔之後，許晉亨每年會抽時間陪老婆去日本一趟，過二人世界。17 年，就有網友見到許晉亨為了幫老婆影靚相，在東京街頭執枯葉做道具。識得製造浪漫，唔怪得李嘉欣話同老公結婚多年，都可以keep住拍拖感覺
----------------------------
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
