現年27歲的男子組合MIRROR成員陳卓賢（Ian）昨日爆出暗撻25歲港姐冠軍陳曉華（Hera），但陳曉華同時與舊愛狄以達來往，狄以達忽然清空IG，令三角關係更添撲朔迷離。
既是排球健將兼唱得的「魚仔」Ian，感情關係更加複雜，一夜間遭多名「知情人士」輪流爆料，指他食女無數，堪稱新一代「女神收割機」。《蘋果》今日收到一名自稱劇組工作人員爆料，指Ian的「真命女友」其實是索模盧慧敏（Amy Lo），二人在ViuTV新劇《無限斜棟有限公司》演一對鬥氣冤家，朝夕相對，當中有不少親熱場面，今年9月開鏡時，lan已不自覺「打雀咁眼」望實Amy，該工作人員稱拍攝時候曾親眼見雙方打情罵俏：「佢哋為對方揼骨、餵嘢食，break time兩個自己行開傾偈，要成棚人等佢哋。」對於拍拖傳聞，Amy的經理人今日回覆《蘋果》：「唔好意思，我哋冇回應。」
Amy是一名墨西哥混血兒，擁有177cm身高，是余文樂御用的模特兒，去年傳與《破風》演員朱鑑然撻着，當時朱鑑然未有否認，只稱「了解中。」而在昨日播出的《男排女將》結局中，Amy亦以彩蛋姿態出場，監製陳淑賢笑着否認：「個女仔係我哋自己揀，唔關Ian事，拍拖就真係冇聽過，唔知佢哋本身識唔識，女仔拍咗一日戲之嘛，Ian開工時好專心，多數自己匿埋一邊，又或者同佢隊友傾偈。」
在《男排女將》中，飾演Ian女朋友「安安」余潔滢，則成為其「3號」真命天女，有報道指二人戲假情真，在劇組也是公開秘密云云。余潔滢今日回覆《蘋果》謂：「其實我同Ian真係工作上面認識，喺現實生活中唔係好熟，亦冇乜傾偈，甚至連電話號碼都冇，只在《男排女將》係一對情侶，唔知係咪觀眾有啲咩誤會，但我同佢真係唔係咁熟咋。」至於Ian則未有接聽電話。
而Ian亦被翻舊情，有傳他在參加《全民造星》後期，與ViuTV一姐陳俞希（Hailey）過從甚密；成為偶像後，傳他暗撻演員蘇皓兒（Chole），二人不時在IG互動，但被眼利網民發現後，才火速互刪Like，相當低調。另外，有人開空account在IG留言，稱睇唔過眼Ian向外稱沒有拍拖，但多年來不停出賤招媾女，聲稱公司不准出街約會，要求對方上他家中過夜，又指Ian最叻扮無辜，公開「真相」只是不想再有女仔上當，叫花姐好好教下契仔，但其他網民覺得證據不足，屬無理指控。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
