新手爸媽齊齊同寶貝仔女過聖誕！
今日係聖誕節，相信唔少人都留喺屋企度過，圈中唔少新手父母，因為新成員加入，故今年聖誕節過得特別有意義，仲喺社交網上載靚相同大家分享！
先有歌手呂方太太伍惠寶（Rainbow）喺社交網晒出一家三口合照，見佢哋仲幫囡囡換上聖誕裝，除喺花園曬下太陽留影外，更同聖誕樹合照，唔少網友大讚囡囡好可愛，仲同呂方好似樣！至於今年秘密生女嘅楊秀惠，雖然冇趁佳節公開囡囡個樣，但自爆聽到囡囡叫佢做媽媽，令佢開心到飛起：「我當時以為我聽錯， 馬上衝到她的身邊， 她就甜甜的對着我笑然後繼續媽媽媽媽⋯ 我的天啊，我的心都融化了，原來當媽的感覺是這樣的，原來幸福的滋味是這樣的！！」
而今年7月榮升做爸爸嘅陳山聰亦有上載一家三口過聖誕嘅相，而陳展鵬亦上載囡囡小豬比企喺聖誕樹前嘅跳舞片，獲網友大讚愈大愈靚！
來源 source: http://hk.on.cc
|
鍾意就快D Share啦！
|
|
|
