程瑤夫婦搞加港網上慈善聖誕騷 林曉峰嫌齋唱冇得主持唔夠喉
新冠肺炎蔓延全球，令各地氣氛沉重，適逢聖誕節，慈善團體「仁美清叙」主席程瑤與老公朱仲賢，今日聯同溫哥華主辦單位合作於網上舉行聖誕慈善騷，並碌盡「人情卡」邀得一班藝人好友演出，包括林曉峰（阿Lo）、區永權、歐陽德勛和曹震豪，以及一班近屆亞姐兼「仁美」成員羅思雅、范莎莎、何雙妍及高文君等獻聲。阿Lo笑稱今次只有唱歌表演「未夠喉」，他打趣道：「我覺得有少少失望，今次淨係邀請我唱歌，唔邀請我做主持，機會比晒兩位亞洲小姐做。」並謂下次要一手包辦主持兼唱歌，把歡樂帶給大家。
席間仲有甄澤權（Louis）表演近距離魔術，Louis表示︰「今日魔術表演同願望有關，因為今年大家都唔係咁開心，好多願望都未能夠達成，希望可以帶多少少鼓勵畀大家，睇完魔術會開心番。」是次聖誕網上騷，除了於疫情期間向大家發放正能量外，亦透過這個活動籌款幫助兩地的智障學童及醫護，據知捐款不扣除任何成本全數用作慈善用途，非常有心，發起人朱仲賢感謝台前幕後及藝人朋友前來參與，他表示︰「疫情關係好多活動都要暫停，呢個加拿大同香港一齊做嘅網上慈善活動，希望在聖誕節可以將快樂帶畀大家。」而程瑤也感激義務幫手的港、加台前幕後，「大家全屬義務性質，一齊行善真係好開心，希望短期內工作恢復，大家再一起做更多表演比觀眾睇。」
來源 source: http://hd.stheadline.com
|
鍾意就快D Share啦！
|
|
|
