何思諺邀請參與假日巿集 蔣祖曼享受「賣肉」樂趣
蔣祖曼（Joman）早前接受《頭條》訪問時，已透露最近忙於「賣肉」，所講的是平日愛種植的她，最近獲好姊妹何思諺（Leanne）邀請，參加在利奧坊舉行的《「漫」遊文青假日市集》，出售她親手種植的多肉植物外，還跟大家分享種植的樂趣。採訪：杜淑霞
Joman最初愛上種植多肉植物，原來跟2014年與導演陳卓麒結婚有關，「結婚時我本來諗住買一批多肉植物嘅苗返嚟送畀賓客做回禮，當時買咗成一百盆，但後尾諗諗吓，未必個個人都鍾意種嘢，如果唔要掉咗佢，都係一條生命嚟，同埋要啲賓客拎住走都好唔方便，後尾都係放棄咗，於是就自己種番。」
幸好反應不錯
雖然多肉植物跟仙人掌是同一科，但Joman認為要種得好一點都不容易，這6年來失敗過無數次，「我最初係受梁祖堯影響，見佢種啲香䓍嗰啲種得咁開心，我又跟住種嘢，好多食得嘅好似蕃茄、士多啤梨嗰啲我都種過晒。不過，啲人成日話多肉植物係懶人植物，但我就唔覺得係，想佢唔死唔難，但係你要種得靚，啲色夠粉嫩，就係一個學問，嗰陣時真係死傷無數㗎！」
今次Joman肯割愛，全因好姊妹Leanne出手邀請，「佢今次係活動搞手，咁啱我學緊寵物美容，呢排成日諗如果有個地方可以賣寵物嘢同植物你話幾好呢！？咁啱佢就問我，雖然只係賣植物，我覺得都可以同大家分享吓自己心得，同埋都諗住部份收益會用嚟捐去慈善機構。」但由於準備時間只得兩個星期，搞到Joman每晚只瞓得幾個鐘，又擔心近期天氣冷會影響植物生長，但幸好反應不錯，「第一個假日擺檔已經賣出50盆，不過因為我朋友多，希望之後天氣同疫情唔會有太大影響」
來源 source: http://hd.stheadline.com
|
鍾意就快D Share啦！
|
|
|
