今日聖誕節，由於疫情爆出第四波，所以都未能出埠旅遊，大家都留港消費。前港姐張嘉兒夫婦和江伊晴（前名江若琳）夫婦都不約而同出動購物，「C9」的購買意欲都特別強。
張嘉兒日前就孖着老公Nathan出動，未有帶着兩女同行，兩人乘機拍拖，她蹺着老公逛又一城。當日張嘉兒素顏去街，她主力買小朋友的禮物，她先拎着一個粉紅色的書包，與售貨員研究一輪，接着又去了買一些小朋友的書籍，反而她未有刻意揀禮物給自己，只是「齋睇唔買」，大約用30分鐘，嘉兒便已經買齊了禮物，等職員包好後，與老公去的士站坐車離開。
此外，江伊晴與老公蕭唯展（Oscar，前名蕭潤邦）剛度過結婚兩周年紀念，他們仍然享受過着二人世界，日前又拍拖出巡到尖沙嘴金巴利街買東西，那裏是有名的韓國街，他們先後進入3間店舖，買了韓食前菜和大堆韓燒食物。主力由老婆挑選食材，江伊晴在最後一間專賣燒肉的店舖見左揀右揀，Oscar則在旁協助，最後做財政大神，負責碌卡埋單，掃了逾1,500元的食品，拿着大袋食品滿載而歸。因為疫情要留家避疫，多買點食物就可以不用出街。
----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
