歐嘉慧於26日在美國離世。
昔日邵氏粵語片影星、前無綫藝人歐嘉慧於12月26日在美國逝世，享年82歲。前無綫藝員劉緯民證實死訊，他表示透過朋友通知，知道對方於本月26日離世，兩人已經10年沒有聯絡，對於老朋友離開感到惋惜。
歐嘉慧於1955年被羅致邵氏旗下，與林鳳、麥基、呂奇等同期出道，當年於影壇甚具地位，1970年加入TVB，她是何守信的前妻，兩人因為演出《歡樂今宵》而結緣，後來兩人結婚，可惜婚姻只維持了2年就結束，當時有傳是汪明荃介入，離婚後她逐漸退出影壇，並移民到了美國生活。她亦是一名游泳健將，故有「美人魚」的稱號。
胡楓與歐嘉慧是多年的老朋友，他接受訪問時，坦言知道對方死訊，更指對方返港時，都會約他們一班朋友見面吃飯，是一名大好人。他受訪時說：「聽聞講12月26日，喺佢先生扶住佢行嘅時候離世嘅，我哋一年差唔多都有通電話1、2次，佢生活好幸福，據講佢個山嗰度有5間別墅，有1間係佢嘅，平時佢唔煮飯㗎！日日食飯都落山，去啲餐館食飯，我同佢講：『你哋都要煲啲湯飲吓㗎？』佢話煲湯都有，原來佢有病都好幾年，呢次離世我哋好多朋友都好唔安樂、好傷心，因為佢係一個對朋友非常好嘅人嚟！」問知否對方有甚麼病？他說：「乜嘢病佢冇講，所以就唔知喇！總括嚟講佢係好幸福、好幸福咁過咗呢個晚年！」
薛家燕接受東網訪問時表示，今日收到歐嘉慧離去的消息時很難過、很突然：「呢排好多好朋友都走咗，呢幾年我冇見到佢，因為太忙，近年去親美國都係做完嘢就即走，冇話特別入聖地牙哥見佢，之前每次去都有來往，佢好客氣，會同佢先生出嚟探我哋，又同我哋去食飯，又帶我哋去飲下午茶，喺屋企煮晚飯畀我哋食……」
2人在年輕時認識，自此成為好友：「佢係我前輩，睇住我大，最後同佢合作係《偷心賊》，呂奇哥哥做導演，佢好健談，亦係游泳健將，所以佢身材好fit，着衫亦走上時代尖端，畀人感覺好陽光，所以佢好多朋友。今次突然有咁嘅消息，真係好難過，我即時打去美國，因為半夜啲朋友都未知，希望佢家人節哀順變。」
藝人胡楓（修哥）與歐嘉慧相交多年，坦言已知道老友死訊，每當對方返港時都會相約一班朋友飯聚，是一名大好人。修哥接受東網訪問時說：「聽講12月26日，喺佢先生扶住佢行嘅時候離世嘅，我哋一年差唔多都有通電話1、2次，佢生活好幸福，據講佢個山嗰度有5間別墅，有1間係佢嘅，平時佢唔煮飯㗎！日日食飯都落山，去啲餐館食飯，我同佢講：『你哋都要煲啲湯飲吓㗎？』佢話煲湯都有。」
修哥感慨地說：「原來佢有病都好幾年，呢次離世我哋好多朋友都好唔安樂、好傷心，因為佢係一個對朋友非常好嘅人嚟！」問知否對方有患甚麼病？修哥謂：「乜嘢病佢冇講，所以就唔知喇！總括嚟講佢係好幸福、好幸福咁過咗呢個晚年！
來源 source: http://hk.on.cc
|
鍾意就快D Share啦！
|
|
|