張栢芝當年憑周星馳電影《喜劇之王》一炮而紅，雖然天生一副鵝公喉，但膽粗粗進軍埋樂壇，首張EP《任何天氣》有白金數量，惟始終唔係唱家班，出過幾張唱片後，便在樂壇消失，專心在影圈發展。不過，栢芝自從被向華強夫婦數臭冇演員道德後，近年都少了電影演出，反而走回歌手之路返大陸做商演，日前她到廣州唱歌掘金，點知卻走音兼忘記歌詞，要尷尬地向觀眾道歉，網民更將她的走音短片在網上瘋傳，瘀到爆！
本月26日，栢芝接受大陸網紅二驢邀請，到廣州參與「FAN嚴選&JLV海心沙巨星演唱會」，有傳栢芝收近百萬歌酬唱兩首歌，着米色短裙套裝、頭戴閃亮鑽飾的栢芝，事先張揚自己失聲，她唱出首本名曲《星語心願》前說：「雖然唱得好難聽，但我都會盡全力，將整首歌完整唱給大家聽。」惟當唱到「找不到堅強的理由」這句歌詞時，竟出現瘋狂走音兼失聲，令人聽到打冷震。之後再唱張麗謹《留給最愛的說話》時亦強差人意。
唱完後栢芝都知衰，向觀眾鞠躬道歉：「因為我們沒有綵排過，我會盡我的努力，希望你們可以多多包涵。」栢芝還解釋：「我都忍唔住想笑！我18歲出道，到今天40歲，第一次唱呢首歌，但可能真係最近比較忙一個節目所以失聲咗，但我唔理媒體或者你哋現場聽到有幾多失聲或者走音，又或者唱到，因為我覺得，作為一個歌手，最重要就係認真對待每一位觀眾。頭先我可以遞個咪畀你哋，但我都堅持將佢完整（唱完），希望你哋都可以感受到我哋嘅熱誠，同體諒到我失聲。」
不過，有網民唔收貨，將栢芝走音的短片輯錄在「明星出醜大合集」上，並留言：「張栢芝商演唱成名作跑調走音，甚至還忘詞兒，女神這是怎麽了？」、「你去人家演唱會砸場子去了麽？國語不會說，唱歌那麽樣。」但亦有網民撐栢芝，祝她嗓子早日恢復。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|