究竟關個醫生咩事呢？
歌手吳若希（Jinny）11月再誕下一子Kylian，唔經唔覺囝囝已經滿月！佢喺社交網首次晒出一家四口全家福：「這一輯照片可能係我最喜歡的一次家庭照！」相中佢哋都着上家庭裝，Kylian就口擘擘喊晒口，升呢做家姐嘅淼淼（Giselle）就非常擔心，有網民笑言：「Giselle個樣係接受唔到Kylian喊！🤣」Jinny就回覆：「反映咗成家人各自嘅性格🤣🤣🤣🤣 爸爸就內斂，媽媽好開心，家姐好貼心，弟弟就依然沉醉喺自己嘅世界！🤣🤣🤣🤣」佢話影呢輯相唔容易，因為要好注意衞生！
而老爺奶奶更提早10月中來港隔離14日，Jinny留言：「因為疫情下，老爺奶奶10月中已經特意來港隔離了14日，加上細何生腳上功夫實在不俗，所以特別期待他出世。」之後佢講到囝囝嘅中文名有個「樂」字：「大家除了可以叫細何生做Kylian之外，也可以叫他阿樂或者樂樂（取這個名字其中一個原因是覺得我的婦科醫生實在是太好了）！」另外，佢又上載林盛斌（Bob）送畀佢囝囝嘅利是！
來源 source: http://hk.on.cc
|
鍾意就快D Share啦！
|
|
|
