張家輝為保險公司拍攝微電影，今天於鰂魚涌舉行首映禮，微電影內容是講述人生總要有計劃，家輝感概指經歷了社會事件跟疫情洗禮，令他更覺計劃未來的重要，他說：「今日嘅社會同聽日唔一定一樣，而家要陪吓屋企人、關懷多啲。未經歷呢段時間，大部分人都未必係well-planned嘅，當事情發生之後自己都多咗陪媽咪，亦都因為疫情焗住同屋企人相處多咗，不過聽聞有好多人因為咁而離婚。」記者笑問他跟太太關詠荷現在關係如何呢？家輝說：「愛過以前。但就嫌個女煩啲，都要睇佢功課，睇吓有冇偷懶，話得多又傷感情，14歲係危險年齡。」
家輝又謂女兒應該未拍拖，他更坦言跟女兒相處如朋友：「我年輕時比佢做得更多唔啱同錯事，我哋相處幾好，可以做朋友有偈傾，不過都有反叛，會蝦媽咪。」家輝又爆囡囡未懂得計劃，問到女兒是否想入娛樂圈？家輝反應甚大說：「我最驚呢句！原因係我同媽咪都有呢啲血液，佢血液唔係咁都冇人信。佢唱歌幾好嘅，遺傳咗我『哥哥』張學友，哈哈。做戲就唔知，如果喺我面前演戲就太着迹嘞。」家輝更笑言一直「暗撳」囡囡入行的想法，他說：「我咁多錯又得，所以支持佢自然發展嘅，但係我就會成日駛開話題，會不停暗撳佢。」至於太太的睇法，家輝就呻慈母多敗兒，太太被女兒恰，他有時也看不過眼，不過二人對於女兒入行的睇法意見一致。
已有一年未有工作的家輝，透露農曆年後將會到北京隔離，為一部恐怖片準備開工，現時留港有積極運動，雖然未有相約發哥，但他會跟妻女一同行山。早前被指身形暴瘦似患病，他澄清說：「因為睇得電腦多，對眼深咗（冇神），我係瘦咗，又鍾意着鬆身衫，好似絕症咁，其實我好健康，弗到不得了！」
此外，被問到疫情下賣了跑馬地逸廬賺2千多萬，家輝指是疫情前的事，不過卻不願多談，並拉開話題。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
