疫情下女士未能外遊血拼，超級市場就變成她們的「勝地」，買食材及日用品止購物癮。日前，何艷娟（Katherine）就被拍到在超市掃貨，推着購物車在店內漫遊！不過買雞蛋對她而言似乎難過買衫，見她望實逾20款不同產地的雞蛋左挑右選，花了不少時間研究才揀到。
她今次去超市目的似是儲糧，購買的多為日常食品，包括牛奶、通粉、蔬菜及肉類等，又買了卡路里超高的即食咖喱牛腩，之後再去花店挑選鮮花氹自己開心。
近期主要為處境劇《愛．回家之開心速遞》拍攝的Katherine，接受東網訪問時指不用開工亦甚少出街，主要在家畫畫打發時間，3餐幾乎都是自己下廚，故不時到超市入貨：「通常買定幾日餸，呢排都喺屋企食。疫情下煮多咗有進步，最鍾意煮中餐，3餸1湯。」
問買了「麻甩最愛」的咖喱牛腩，誰人如此有口福？她笑說：「買畀自己食！我鍾意食辣嘢。」又表示對廚藝愈來愈有興趣，希望疫情過後到外地讀藍帶廚藝課程。
來源 source: http://hk.on.cc
|
鍾意就快D Share啦！
|
|
|
