馮盈盈近年被指努力向上爬，衣食住行更上一層樓，除了搬入價值2,300萬元的海景豪宅外，穿戴名牌全身行裝動輒幾十萬，以TVB出名奀人工，加上去年受疫情打擊下，藝人廣告收入顯著大減，盈盈忽然富貴更讓人嘖嘖稱奇。坊間除了傳她是舊老闆「殼王」陳國強的新寵，日前她又被《蘋果》讀者目睹和鬍鬚西裝男到中環意大利餐廳食晏，埋單3,000元，身邊男伴換畫神速。
至於去年和盈盈有影皆雙的大隻仔鄭衍峰，就有指由於不滿女方不給予名份，結果分手收場。鄭衍峰今日出席活動時，講到盈盈和鬍鬚男食餐晏都要3,000蚊落樓，對此鄭衍峰帶點自嘲說：「我冇同佢（馮盈盈）食超過3,000蚊嘅飯喎，喺canteen食飯，一個叉燒飯當係3、40蚊，計我哋做咗呢間公司3、4年，加加埋埋可能有呢個數嘅。」
鄭衍峰又自比是盈盈的好朋友，指好朋友與人食飯，是不需要和其他人交代的。「大家一直係好朋友、好同事、好拍擋，咁食飯都係正常社交嚟，唔需要交代嘅，我都唔會同你講同邊個食飯」對於有傳由於盈盈不給予名份，導致二人分手。鄭衍峰帶點酸溜溜說：「名份就係好朋友，已經畀咗啦。」提到馮盈盈在頒獎禮中，讀錯得獎歌手名字，鄭衍峰指女方早已身經百戰，不需多作安慰。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|