武漢肺炎疫情反覆，政府早前宣佈為免人流聚集，故決定禁辦年宵及花市，引致花農大失預算大感不滿，更打算轉去商場另覓銷路。結果政府昨日公佈將復辦年宵，但出售年花及盆栽的攤檔數目會減一半，加上其他防疫配套，企圖「補飛」。
港協暨奧委會副會長霍啟剛一向關注香港的體育文化事，今日他在社交網站出post，直指：「既然花市都可以舉辦，同一個球場兩隊波加埋只係22人，仲少過行花市嘅人，政府必須盡快開返場地畀我哋做運動！」他更落tag標明「運動強身健體對抗疫好重要」。
政府自去年12月起，因應武漢肺炎第四波疫情殺到，暫停開放硬地足球場、籃球場、排球場、網球場、羽毛球中心、體育館等運動處所，市民想做運動亦難以找到合適地方，霍啟剛今日圖文並茂諷刺政府認為花市可復辦，但同一場地要繼續禁止市民使用屬無理，故出聲要求政府應重開運場處所讓市民使用。
霍啟剛去年打算參選立法會功能組別，雖然選舉延辦，但無損霍啟剛關心社會的心，他近日不時四出探訪，或落區參與社區活動，包括與太太郭晶晶到社企餐廳，學煮喇沙兼落區派飯等，而他今日亦趁機在post中貼出意見調查連結，收集市民對體育、演藝及文化場地防疫措施的意見。很多網民都讚好霍啟剛的post，並留言感謝他講出市民竹旳心聲，有人嘆「強身健體都唔容易」、「花農過年，我哋過唔到年」，更有人謂「希望你哋真係幫市民講出心聲」。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|