在電影中通常飾演騎呢角色、外號「蜥蜴仔」的曾德華，靠做電影茄喱啡，維持生計。由於受新冠肺炎疫情的影響，電影業陷入冰封狀態， 他亦難逃沒有工開的命運，被迫轉行做外賣仔。
日前晚上，本刊就發現，蜥蜴仔於旺角區一帶送外賣，因為第四波疫情嚴峻，政府禁止六時後堂食，沒有地方食晚飯的他，惟有踎公園開餐。這裏充滿臭味之餘，還有一羣老鼠在開P，再來一陣寒風刺骨，認真淒涼！
轉行做外賣仔的蜥蜴仔，受六點禁堂食的影響，被迫踎公園食飯盒。現場四處垃圾之餘，附近的垃圾房又傳來陣陣異味，更有老鼠出沒，衞生環境惡劣。
他開餐的石櫈後面，有大量老鼠肆無忌憚地圍住垃圾桶，氹氹轉開P，十足「米奇樂園」一樣，令人嘔心。
步出快餐店後，蜥蜴仔拎起手機上網睇地圖。
經過九曲十三彎的內街，他急步行了大概七分鐘，終於抵達一幢八層高的唐樓送外賣。
衞生惡劣
現年四十二歲、外號「蜥蜴仔」的曾德華，早年憑着騎騎呢呢的外表，在周星馳的電影《行運一條龍》中，飾演在party內被漠視的一角，而為人所熟悉。其後，他經常在電影中飾演「毒男」等角色；而在片中，他雖然對白和戲份都不多，但密食當三番，總算可以維持生計。近年，蜥蜴仔更找人作曲、填詞，製作屬於自己的歌曲〈我最騎呢〉，並花費五萬元，拍攝MV放上社交網絡，令他成功打開內地的市場，有機會北上大灣區登台，儘管薪酬不像其他藝人般優厚，但總算可以幫補收入。可是，受到新冠肺炎疫情的影響，電影圈幾乎停頓，所以他的茄喱啡工作，可謂寥寥可數；而為生活，他就被迫轉行做外賣仔。此外，由於他不懂駕駛，故只能做「步兵」。
日前晚上八時，本刊就發現外表骨瘦如柴的蜥蜴仔，現身旺角道的一個公園。當時，他瑟縮於公園一角暗處的石櫈食飯盒，而旁邊正是一個垃圾房，因此不時飄來陣陣垃圾臭味。期間，記者目擊他食飯的位置，有不少老鼠肆無忌憚地走來走去，令他恍如置身「米奇樂園」一樣，衞生環境極度惡劣。約十分鐘後，他三扒兩撥已經食飽飽，於是急急收拾行裝離開公園。過了不久，在街頭接到一個外賣訂單，他隨即一支箭急步行到大角嘴的一間快餐店取外賣；跟着，他又行了七分鐘，走上一幢八層高的唐樓送外賣，為生活吃盡苦頭。
廿二年前，蜥蝪仔於《行運一條龍》中飾演在party內被漠視的一角。當時，他獲周星馳加插一句對白：「有冇計呀？」從此，他靠騎呢在影圈殺出一條血路。
年前，他花了五萬多元積蓄，拍了一個MV〈我最騎呢〉；之後，他便不時獲邀到內地登台唱歌表演。
收入大減
事後，記者致電訪問蜥蜴仔，他坦承受疫情的影響已大半年冇工開，即使有內地經理人安排登台騷，亦無法北上開工，令收入大減，惟有轉行做外賣仔：「雖然內地有登台job，但係上去要自費喺酒店隔離，扣埋人工等於白做，所以o依家轉做送外賣。」他表示由於自己是「步兵」，故每日的接單量數不多，因此自己會比別人更勤力，用盡一日的時間開工。
近日政府頒令六點後禁堂食，亦影響他沒有地方食晚飯：「講真，一日收入大約得二百五十蚊。其實，一張單只係賺到廿幾蚊，都買唔到一個飯盒，o依家又冇得堂食，惟有踎公園不過，你估我想o架咩，好多我哋呢啲打工仔，都係咁，夜晚要開工，只能夠逼住喺街邊食飯。仲有呀！嗰個公園好多老鼠、好恐怖，仲要唔驚人o架，我惟有逼自己唔好驚囉。」蜥蜴仔形容現在見步行步，他寄望疫情快些過去，經濟復甦，人人有工開。
憑騎呢角色深入民心的蜥蜴仔，竟然得到內地歌手的青睞，邀請他在自己的MV內客串。
日前晚上八時，寒風凜冽，氣溫大約十五度。本刊發現拿着飯盒的蜥蜴仔，一個人獨自走入旺角道的一個公園。
|
鍾意就快D Share啦！
|
|
|