內地女星章子怡首部古裝劇集《上陽賦》播出以來話題不斷，除了41歲嘅佢被取笑扮少女欠說服力，最新一集更驚現穿崩鏡頭。劇中佢回鄉探望哥哥，一見到對方即興奮得跑上前相擁，當男方抱起佢時其衣服被掀起，竟發現身穿古裝服飾嘅佢，腳上竟「唔連戲」冇着古裝鞋，反而着上波鞋，即被網民直指不專業：「這是有廣告合作？帶貨？」、「這也太明顯了...導演看不到？」
身為影后級，佢着嘅波鞋都唔嘢少，網友發現對波鞋係意大利H品牌，價值5,000蚊左右！另外，藝人們嘅衣着往往粉絲都會追捧，順應呢個潮流，網上購物平台都會推出同款衣着或飾物，估唔到子怡連演古裝都有商機！佢喺《上》嘅所戴嘅飾物同服飾，網上即時出現「章子怡《上陽賦》同款」貨品，只要約700蚊人仔就買到佢件衫！咁都未夠，連佢2004年電影《十面埋伏》都翻Hit，經典戲服照樣有賣，真係咩人都可以做章子怡！
來源 source: http://hk.on.cc
|
鍾意就快D Share啦！
|
|
|