周啟生鬧爆政府：林鄭！我都有貢獻過你！
- 發布日期：2021-01-14 17:49
已複製
60歲資深音樂人周啟生，早前將留了多年的鬍鬚染成藍色，相當搶眼，自認「黃心」的他，在接受《壹》仔訪問時表示：「藍色最啱做我條毛」，明眼人都知，周啟生所指的「藍色」是甚麼，被問是否討厭藍絲時，周啟生否認討厭藍絲，但指最憎「盲目取向」的人，他說：「如果聰明嘅人，就算係藍絲都唔會出聲，明哲保身。」
去年周啟生發起網上音樂會，為受疫情影響而停工的樂手籌款，他曾透露有歌手對音樂會反應冷淡，甚至有歌手已讀不回，當時周啟生未有開名指責，只表示：「發財唔立品」。
半年過去，周啟生看法未有改變，指不少藝人「不愛港」及「唔立品」，他說：「唔係做大陸騷就係叛徒，你可以愛國，可以搵錢，但係唔可以唔愛香港」。他透露有圈中人捐2,000萬給內地應對抗疫情，但對香港卻「一毛不拔」，又指黃百鳴知他搞籌款音樂會，二話不說即捐5萬元，周啟生說：「好多人都覺得佢（黃百鳴）藍，但係佢係愛香港嘅」。
疫情令周啟生停工多時，他直言：「依家要靠老婆養，公司上年蝕咗60幾萬」。他狠批政府早前的防疫措施，其中「一半入座率」是「荒謬」，他氣憤地說：「限住開一半座位，但係觀眾都係坐埋一齊，咁有咩用？張敬軒演唱會都有人中招，呢個政府完全得個講字」，鬧得興起的他，更直言：「林鄭！我都有貢獻過你！」
近期社交平台掀起「移民潮」，周啟生亦成功「移民」，他說：「盲嘅都見到WhatsApp同facebook狗上瓦坑有條路，遲早唔用facebook」。身體力行的他，更即時轉用signal與記者對話，曾自言不會做「廢佬」的他，果然坐言起行，緊貼社會動態。
----------------------------
立即加入壹週刊MeWe
-----------------------------
《香港百年超級豪宅揭秘》經已出版 各大報攤及便利店有售
可按此網上訂購
----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|