有「話題港姐」之稱的港姐冠軍馮盈盈近期是非多多，自從與醫生男友Martin分手後，去年被影到與賭王四房長子何猷亨開船P，接着又傳出她成為舊老闆、前無綫主席「殼王」陳國強新寵，生活富貴逼人，其後再有指她靠緋聞男友鄭衍峰搭路識有錢人，結果馮盈盈被標籤成為「貪慕虛榮」的拜金女。在TVB昨晚播出的節目中，馮盈盈對於「貪慕虛榮」的主題份外肉緊，一開口即為自己作出平反：「我哋做藝人成日都俾人話想增加名氣，或者想多啲收入都好，都會俾人話係貪慕虛榮。通常貪慕虛榮嘅人，好focus人哋擁有嘅嘢，好似財富同資源，所以當呢啲人望到，就會話人哋係貪慕虛榮先會有呢啲嘢。」她更即時抛出「馮語錄」金句：「如果你自己沒有你所批評嘅特質，你根本唔會喺其他人身上見到呢個特質，如果唔係，你就算見到都唔會有任何批判！」
她還表示專登上網查字典看「貪慕虛榮」的意思：「成日想不勞而獲，喺超越自己的能力範圍之下，製造虛假的榮華富貴換來享樂，咁即係話有假嘅元素喺入面如果自己辛苦工作換返嚟，就應該唔算貪慕虛榮，你只可以comment消費習慣，但如果係佢嘅錢，而又冇犯法，咁關你咩事？」之後她激動地說：「有時我做嘢只係好純粹想善意分享，但唔知點解大家嘅反應係帶有好多批判、標籤，一定好負面，話我想炫富、扮上流。」
不過拍擋陸浩明（6號）坦言從觀眾角度出發，經常見到盈盈與富二代扯上關係的新聞，覺得這些已經是貪慕虛榮，盈盈即時反擊：「啲人只會好着重睇有冇邊個知名人士，但點解唔去諗我work for到嗰個level，或者努力啲出去識唔同嘅人，擴闊自己嘅圈子，就會識到其他界別嘅人呢？冇人咁諗㗎喎，呢啲係順其自然，好合理嘅事！只要你唔係話完全唔念舊，坦白講，我成日同中學同學出去食飯，有冇人理過呀？」馮盈盈越講越嬲，不過陸浩明再笑問她最近有否去船P，盈盈面燶燶地說：「呢排天氣凍冇喇﹗」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|