藝人金剛日前同女友小嫻上山幾日慶祝生日，點知途中發生交通意外同旅遊巴相撞，金剛座駕車尾被撞毀！小嫻上載片段揭露事發經過，雖然撞車令人唔開心，但反轉結局令唔少網民驚喜！
金剛話落斜嘅車應該禮讓上斜嘅車，且大型車必須先讓小型車過，但嗰架旅遊巴冇意思想停低，金剛好無奈咁話：「我生氣的點是，司機明知道會撞，但他還是硬要來！」佢落口供時都好痛咁話：「車子才剛買！」令網民不禁發笑！
雖然雙方都有不快，旅遊巴上嘅阿叔阿姨心情都受影響，但當佢哋見到小嫻時立即「變面」笑晒口，仲變埋粉絲見面會，不斷同小嫻傾偈影相，打成一片，對罵危機化解，似足做戲！而金剛喺女友安慰吓都冇嬲豬！網民都大讚小嫻「是溫暖人心的天使」、「想法很正面很有智慧」、「竟然能夠撫平一整台遊覽車的人！😜太強了」
來源 source: http://hk.on.cc
|
鍾意就快D Share啦！
|
|
|
