由劉俊謙、蔡思韵、梁天尺主演的舞台劇《午睡》，原定於去年12月中在香港文化中心作第一輪公演，可惜因武漢肺炎影響，以及限聚令和演出場地關閉，劇組無奈取消。而原定於本月8日在西九文化區作第二輪公演，仍因疫情關係，改為前日（9日）起一連三日舉行3場網上直播演出。
首場直播演出時，曾出現高頻聲音及斷線情況，沒料到技術性的意外令劉俊謙耿耿於懷。他在演出後曾表示有點不開心，還跟觀眾致歉。到昨日第二場演出後，劉俊謙等人再談演後感時，他說︰「噚日有啲意外，聲音影響到好可惜；但噚日嘅意外，好似做就今日，我自己都學習緊，遇到難題同意外，同埋跨越唔到嘅牆，好似被打敗，但人生有時就係咁。」他更指喜歡劇場，是因為它最可貴的是有一種不可取代的生命力。
今日劉俊謙接受《蘋果》訪問，提及首場演出，他說︰「而家都未知點解會有啲好高頻嘅聲出現，觀眾喺直播聽到，現場我哋都被聲音影響得幾大，都冇辦法，真係意外。」至於他首次以直播方式演出，他笑言覺得好熱血，他說︰「好刺激同熱血嘅感覺，因為疫情好多嘢被迫放棄或延期，但劇團諗方法去堅持住，今次直播其實係應變措施，另一角度睇係新形式，好開心自己好似實驗品咁去做呢件事。」
他指作為演員，演出時可透過現場觀眾反應，以及現場氣氛，大家有所互動。但今次直播他說︰「劇場係會繼續向前行，唔好俾疫情打冧自己，雖然有好多限制，但總會有新元素或形式出現，我相信不久將來做好作品，繼續用唔同方式呈現畀觀眾。」
至於蔡思韵自言是一次有趣的經驗，她說︰「唔可以畀觀眾睇到現場演出，係有啲可惜，畢竟劇場喺現場睇嘅感受會好唔同。但我哋都好想分享排練咗三個月嘅成果，亦都想保留劇場感，所以我哋選擇咗用直播嘅形式嚟做呢一次舞台劇。感覺好特別，我哋都因應演出嘅媒介轉變而作出調整，希望畀到觀眾同睇現場一樣，有深刻嘅觀影經驗。」
其實自去年初發生疫情後，因演出場地關閉，先後有多部舞台劇要取消或延期，好像劉俊謙、張錦程主演的《我們最快樂》、莊梅岩編劇的《5月35日》、香港話劇團的《大狀王》、《父親》等，還有白只、鄧智堅主演的《妓寨英雄宴》，以及早前梁祖堯的《新聞小花的告白2》開場幾日被迫腰斬，令劇場界尋求其他的方式，繼續演出。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|