阮嘉敏身體好番晒
藝人阮嘉敏曾參加2016年香港小姐，落選後隨即加入無綫節目《東張西望》，成為外景主持之一，曾經着住運動Bra喺郊外採訪，因而成為熱話。不過早前佢因為身體出現問題，搞到體重不斷下降，要暫別節目休養，但幸好最終成功康復，重返《東張》懷抱！
今日佢喺社交網透露擔任《東張》廠景主持，終於都唔使出去日曬雨淋咁辛苦，佢留言：「新一年新挑戰，今晚東張西望廠主持，大家多多指教！」唔少網友留言大讚佢表現唔錯，大讚佢口齒伶俐！
佢首次孖區永權做廠主持，即發生「跌口罩」蝦碌事件：「今日第1次做廠就跌咗個透明口罩，好好笑，第1次就發生啲咁嘅事，（點反應？）梗係繼續做啦，因為係Live嚟嘛!權權（區永權）臨尾話：『大家記住天氣咁凍着番多啲衫喇！』跟住同我講：『你呢！就要帶番好口罩。』我話唔好笑我之後同觀眾講拜拜，同權權合作真係好開心。」Mandy透露近日報了一個言語治療班，希望改善懶音和發音，她大讚其他主持個個都字正腔圓，故自己也不能懶惰，要加倍勤力。
來源 source: http://hk.on.cc
|
鍾意就快D Share啦！
|
|
|