藝人湯洛雯（靚湯）同馬國明拍拖愛得高調，早前講明若男友冧莊攞視帝就結婚，可惜未能得獎。近日佢喺社交網同網友玩「你問我答」，揀咗唔少問題回答，好似「疫情 ...
藝人湯洛雯（靚湯）同馬國明拍拖愛得高調，早前講明若男友冧莊攞視帝就結婚，可惜未能得獎。近日佢喺社交網同網友玩「你問我答」，揀咗唔少問題回答，好似「疫情係屋企有咩做」、「鍾唔鍾意睇韓劇」等都一一回答，但當提到馬國明，就大耍太極！問到「邊個係你男友」，佢竟然答係隻狗，而問到係咪已答應求婚，佢即扮傻問邊個，同平日嘅靚湯簡直180度大轉變！
講到2021年大計，佢話未來星期一會宣布，但強調唔係結婚，叫大家唔好再問，又透露工作唔如意，仲引用金句自我安慰，唔知關唔關頒獎禮失獎事呢？
