人氣組合MIRROR成員呂爵安（Edan）、姜濤、Lokman、Anson Kong與阮小儀等，今天於九展為ViuTV全新遊戲節目《考有Feel》舉行記者會。
節目考參賽者的五感，遊戲方法由MIRROR派出3人組成一隊，跟ERROR兩位成員與一女藝人對決。小儀自爆最欣賞Edan，為了此節目更主動致電監製問可否撮合，小儀笑說：「Edan成件事好有潛質，愛到不得了！簡直令姐姐回春，太開心。以前我都係小粉絲，入行後已經唔會追，直至到Edan就有返呢種感覺，有小粉絲心態，好有趣，姜濤就唔係我鍾意嗰種類型。」小儀笑謂往時的拍檔中，Edan算是最靚仔，她笑說：「森美都靚仔嘅，金剛係唔同嘅靚，內在美，呢種靚係得我同佢而家女友先發現，今日係金剛生日，祝佢生日快樂。」提到Edan將拍攝港版BL劇《大叔的愛》，小儀表現雀躍說：「好緊張咀嗰場，我唔介意去現場做指導，做咀嘴指導。」
Edan則笑言跟拍檔Anson Lo太熟稔，拍《大叔》不會尷尬，笑一下便算，他說：「我同佢講益咗佢唔希望要伸脷，劇本冇嘅自己唔會加，大家都未必接受到，呢個係純愛情故事。」Edan更謂自己很受同志歡迎，中學時曾有男同學傳短訊追求：「啲人覺得靚仔都係基，後尾應該知道我唔係，就冇嘢嘞。」
另外，提到商台昨天有清潔員工初步確診武漢肺炎，小儀說：「我啱啱同商台請咗假，冇接觸過嗰位同事，冇需要隔離。其實做呢個節目時已經要檢測，我哋好乾淨，我知道今日全商台嘅同事一齊做檢測，Viu好好幫我做私人檢測。」
現場MIRROR各成員玩遊戲，姜濤第一個被Foul，但自言最憎靚仔的小儀卻在場邊翹實姜濤，場面搞笑！姜濤笑言希望錄影時不再輸，問到會否因為「偶像包袱」要就住玩？Anson Kong笑指底線較ERROR高一點，而Lokman則謂：「大家玩得投入兼不顧儀態，好彩冇玩到甩褲。」Stanley則指不會為勝出而奉承Edan，皆因他沒話事權，寧願派出姜濤取悅小儀，姜濤即說要視乎緣份。
至於問到姜濤跟KOL雪姨食飯，令一眾「姜糖」羡慕，姜濤笑說：「多謝大家，其實初出道已認識雪姨，但唔係正式上契，上契有咩儀式㗎？」有否斟茶上契？他繼續天然呆說：「唔係阿爸阿媽先斟茶㗎咩？」談到網民認為他比周柏豪更值得奪港台男歌手金獎，姜濤說：「我知道自己實力同能力未夠，得到任何獎項都係幸運，唔會計較係咩獎。」而AK表示已平復失新人獎的心情，又自認黑仔，皆因早前為救小朋友而被狗咬傷中指，要打破傷風針，但未必需要縫針。
沈殷怡（Shirley）與黃奕晨（Dixon）指為了拍攝節目，公司安排藝人們每10天檢測，以做足防疫措施。Shirley指正有3個節目在拍攝，其中一個是選美真人騷，將訪問醫學美容團隊，由於經常被指整容，她坦言會藉此澄清：「我未驚過，雖然係好多人懷疑。」黃奕晨（Dixon）則透露有兩套劇開拍，其中一套將演奸角，還有強姦戲份，至於有份客串《大叔》的他在劇中與未婚妻因搵樓而產生爭執，問他可有想過「中途轉基」？他坦言有考慮過，亦自爆曾在台灣一間酒吧遭一名鬍鬚伯伯強吻：「當時佢拍一拍我，我轉身佢就鍚落我個咀到，我即時推開佢，感到佢啲鬚好拮，搞到有陰影。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|