「2020年度叱咤樂壇流行榜頒獎典禮」今年照樣在元旦日舉行，去年因為社會運動不設現場頒獎，今年因為疫情沒有現場觀眾，不過叱咤頒獎禮仍然是網民關心的話題，有人在維基資料庫為奬項不斷更新頒獎禮資訊。不過在WIKI上就發生小插曲，當宣佈完陳柏宇憑《感情這回事》奪得叱咤十大第8位後，有人發現今年度叱咤頒獎禮WIKI上，竟然有第7位偷步公開，得獎歌曲被填上社運歌《願榮光歸香港》，主唱及編曲被填上「真香港人」，作曲、填詞及監製則是「手足」，惟至Kenny出場攞獎時，有關資料已經刪除並改正。
關智斌（Kenny）入行17年，剛踏入40歲的他，早年主力在大陸發展賺人仔，去年因為疫情影響多留香港，終於有時間錄新歌，今晚更首度憑歌曲《暫定》獲叱咤十大第７位，他上台攞獎時亦表現激動，高舉獎座笑着說：「好開心，我好耐冇出席頒獎禮，好耐冇上過呢個台，我今日見多好多年輕有為嘅音樂人，好多謝你哋讓我一齊參與。」不過，未知Kenny是否太興奮，演繹得獎歌《暫定》時由最初震音到後來走音，而今晚演出同樣失準的還有陳柏宇。
陳柏宇今晚憑《感情這回事》成功打入叱咤十大第８位，他上台即表示今日起床便和太太一起陪女兒玩，待女兒瞓了便出發化妝set頭，故全程沒有機會開聲，由於當日錄這首歌時是低了半度，故擔心表現不好，結果演唱前已戴定頭盔的他，演唱到最後果然出現輕微走音，唱功向來有保證的他，亦有在台上向大家道歉。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|