內地綜藝節目《乘風破浪的姐姐》一連兩輯深受觀眾歡迎，尤其第2季開播以嚟一直話題不斷。除咗舞台畫面外，話明真人騷，當然加插姐姐們喺宿舍真實嘅一面，紀錄生活日常之餘，幕前睇唔到嘅素顏樣一一被公開！當中最搶眼一定係40歲香港代表張栢芝，妝前同妝後基本上冇大差異，就算紮住一頭亂髮，都冇減顏值，難怪多年嚟女神地位不變！
37歲台灣代表陳妍希素顏樣亦唔差得遠，原來每朝佢會用蒸面儀器蒸面，對保養相當有心得，原來童顏臉係咁樣煉成！網民大讚兩女係節目中皮膚狀況最好嘅藝人，不過講到第1當然係栢芝啦。
而53歲內地天后那英相於節目中毫不介意鏡頭拍攝，着住格仔睡仔、包住頭周圍走，貫徹其我行我素嘅作風，冇化妝嘅佢相對氣色差少少，但年屆53歲嘅佢仍獲網民大讚凍齡有術。
相反，較年輕嘅35歲內地歌手周筆暢同33歲江映蓉卸妝後較嚇人，雙眼變細之餘，輪廓亦變得浮腫，有網友更笑言差啲認唔出周筆暢！
來源 source: http://hk.on.cc
|
鍾意就快D Share啦！
|
|
|