藝人羅子溢與鄧佩儀出席《陀槍師姐2021》宣傳，談到劇情正推向高潮，即將交代鄧佩儀離世，她突然感慨表示：「呢個故事教訓大家，千祈唔好愛錯！」問到是否曾受感情傷害，她坦言入行後曾與圈外男生拍拖，先得悉對方出軌，後更親眼證實：「用咗足足1年時間去療傷，依家雖然敢再拍拖，但真係要識得耐先得。（當時你情況好差？）總之搞到啲戲，尤其喊戲好咗好多。」
至於剛從內地返港過年的羅子溢，打趣太太楊茜堯「一篋去幾篋返」：「我哋5個人返嚟，足足有17個篋，我仲要自己騰出一個篋畀太太用。（碌你張卡？）又唔係好多錢，一得閒就會睇（網上購物），佢上至面膜、下至煮食用品佢都有買。（今次套劇酬勞咁高，用咗面嗰層啫！）你哋見我咁嘅笑容就知啦。」他又指返港即租用酒店房等檢測結果，但返家後囡囡因怕生保喊爆，令他心痛：「我有扮人肉升降機同佢玩，所以快熟，但佢依家同媽媽都仲有啲生保。」
來源 source: http://hk.on.cc
|
鍾意就快D Share啦！
|
|
|