女明星平時行出嚟明艷照人，佗BB都佗得特別過人，個肚仲好似「鬼影變幻球」咁，時大時細，真係得天獨厚！個肚變大又得，變細又得，其實一切都係靠穿搭技巧！
圈中呢3位準媽媽喺網上經常分享穿搭之道，暗藏孕肚，令到大家唔覺佢哋似有咗！先講已經有晒經驗嘅岑麗香，暫時都仲係面尖尖同手腳纖瘦，但佢用層次感突出番身體嘅線條，雖然望落有少少肚凸凸，但完全零孕味！
而兩位模特兒出身嘅準媽媽余香凝同湯怡則同樣以鬆身裙亮相，余香凝多數選擇揀下身有Ruffles嘅飄逸短裙轉移視線，而湯怡雖然都係以鬆身裙示人，不過都多揀有腰間點綴嘅中長裙，令整體帶出立體感，個肚先唔覺眼！
來源 source: http://hk.on.cc
|
鍾意就快D Share啦！
|
|
|