在疫情中，被封為「逆境廚神」的黎諾懿，當然煮得一手好菜，做得廚神，廚房、食材最緊要，為方便煮食，廚房裝修前，他絞盡腦汁，豪花逾三十萬設計及購買廚房用品。至於食材方面，一應俱全，蔘茸海味、新鮮蔬果樣樣都齊。
熒幕前，諾懿既是廚神又是「暖男」，但原來私下他仍是一個大細路。童年家貧的他，可以擁有一盒模型，絕對是奢侈品，所以長大後，他便逐一收集自己的喜好。一般模型癡會將收藏品展示出來，但喜歡家居簡潔的他，卻將它們放在牀下底，閒時才拿出來把玩一番。多年來，他花費逾三十萬元瘋狂收集心頭好，原來還有另一個目的，他哈哈大笑說：「我儲咁多玩具梗係為咗個仔如果佢將來大個唔鍾意，當古董咁樣賣出去，非常保值，等於畀咗嚿錢佢。」
為方便煮食，廚房裝修前，諾懿絞盡腦汁，豪花逾三十萬設計及購買廚房用品。
「逆境廚神」的雪櫃常備大量食材，以及調味料，方便隨時可以炮製各種美味的餸菜。
追女補品
現年四十歲的黎諾懿，最大興趣是煮嘢食，自小已懂得下廚，還經常為家人炮製美食。新冠肺炎後，大家都留家避疫，他就在網上大搞烹飪節目，搖身一變成為「逆境廚神」。他曾表示男人識煮餸最具吸引力：「自己細細個就識得下廚，老婆都係因為我煮得一手好餸被俘虜。因為佢全家冇人識煮嘢，所以覺得我好神奇，同埋令我更加容易融入佢嘅家中。」
由於，諾懿經常在廚房開直播，故不經意將何文田豪宅的廚房曝光。這個面積約一百五十呎的廚房，表面上平平無奇，但內裏大有乾坤。為方便煮食，廚房裝修前，他絞盡腦汁，豪花逾三十萬設計及購買廚房用品。當中，一部嶄新設計的側吸式抽油煙機最為搶眼，價錢約一萬元；另外，煮餸期間，必定需要使用水龍頭，所以他選用自動感應的設計，一來不怕雙手油淋淋要開水喉，二來又不怕雙手有細菌沾染手掣。
因為諾懿喜歡鑽研菜式，所以家中常備大量食材：蔘茸、海味、凍肉、水果、蔬菜樣樣有齊，裝滿了一個八呎高的大雪櫃。「其實，最重要就係蔬菜水果，因為每一日我都要整啲嘢食畀阿仔，等佢有均衡嘅營養，而我亦有經常煲湯畀佢飲，主要煲一啲滋潤嘅湯水。」而恨生女恨到發燒的他，還秘藏一些追女的補品藥材。
熒幕前，既是廚神又是「暖男」的諾懿，但私下卻仍然是一個大細路。八十年代出生的諾懿，每日放學返到屋企，校服都未除，就立即追看卡通片。自認是《聖鬥士星矢》迷的他，幾乎熟唸片中的每一句對白，當年他在《愛•回家》的一句對白：「我係最接近神嘅男人！」也是出自《聖》片；而這句對白原來有段古，他笑說：「有日睇戲，睇到卡通片《聖鬥士星矢》嘅預告片，提到處女座沙加，突然跟星矢講咗一句：『我係被譽為最接近神嘅男人！』我覺得好型，《愛•回家》套劇集咁長，我覺得悶悶哋，於是自己加插咗呢一句對白，估唔到反應咁好。」此後，他頓時變成「神的男人」。
一四年與李潔瑩結婚，育有一子的諾懿，他曾表示很後悔當年沒有求婚︰「當年風水師同我講，我已經到咗結婚年齡，我同老婆講要結婚，我哋就好順理成章咁結咗婚，但結完婚後，當每一次幫其他朋友搞求婚派對時，佢都會埋怨我當年冇向佢求過婚。」
諾懿面前的心頭好，全部很有紀念價值，因為是他由剛剛出來做演員，每接到一份工作，便會買一件玩具來獎勵自己，
喜歡家居簡潔的諾懿，將自己的心愛玩具放在牀下底，閒時才拿出來鑒賞。
|
鍾意就快D Share啦！
|
|
|
