2021年2月7日星期日

《拳王》煞科崩潰爆喊張振朗哽咽：呢套真係唔容易 #張振朗

《拳王》煞科崩潰爆喊張振朗哽咽：呢套真係唔容易

張振朗煞科又開心又感觸。

張振朗日前拍攝劇集《拳王》最後一日戲，由朝拍到晚至深夜才煞科，監製送上他為劇集苦練的爆肌照，令他崩潰爆喊！張振朗望著照片，哽咽謂：「唔簡單…唔簡單，但值得」，然後苦笑：「好辛苦，無論係預備、拍呀，遇到嘅問題，好多難題，不斷會打擊到自己嘅信心。」說到要跟角色離別時，他又一再哽咽：「係有一人份傷感，呢個角色好特別，可能為佢鋸咗自己好多肉、血出嚟，好想畀新嘢觀眾睇！」

為這劇最後一個演員獨自完成所有戲份，張振朗稱角色是孤獨的，他最後都是孤獨完結這劇。被問收工後是否回去陪女友？他說：「今晚返去…早啲抖」他說最想是睡個長覺，睡醒跟屋企人食個飯，因為很久沒正式見屋企人，想跟他們分享這數月來遇到的事，抺著淚的他重覆說著：「呢套真係唔容易…真係唔容易！」問到想跟他們說甚麼？他忽然搞笑說：「你個仔冇事呀，仲企到喺度！」

張振朗與賴慰玲在台慶頒獎禮上分別奪「最愛歡迎電視男角色」與「最佳女配角」，二人變喊包喊不停；今回二人再次同劇，先完成戲份的賴慰玲同樣爆喊，有粉絲將賴慰玲和張振朗煞科喊照拼在一起，笑指巨蟹座都是感性。有網民留言被張振朗感動了，看出他付出的努力等。