2021年2月11日星期四

陳豪Man爆戴罩拋鑊煮年夜飯　陳茵媺年三十忙裏偷閒歎咖啡 #陳茵媺 #陳豪

陳豪Man爆戴罩拋鑊煮年夜飯　陳茵媺年三十忙裏偷閒歎咖啡

忙於準備年夜飯的Aimee仍有空歎咖啡。

結婚7年多的陳茵媺（Aimee）和陳豪（阿Mo）是圈中公認的模範夫妻，愛錫小朋友的阿Mo一唔使開工就會陪老婆同仔女，可謂絕世好男人。今日年三十，一班人妻都忙於準備年夜飯，靚太Aimee亦唔少例外，不過下午她居然仍有空歎杯咖啡兼Update吓IG，她寫道：「Mid CNY cooking coffee break. Only bc my one and only just got home from work to make some! #cny2021 #cookingwithaimee」隨後又上載老公單手拋鑊片，她續道：「My baby is back! And I can rest... A teeny tiny bit. #cookinghusband #hotness #puttingmusclestogooduse」原來阿Mo一收工就返屋企幫手煮飯，等Aimee可以趁機歎啡唞一唞，值得一提的是，片中阿Mo喺屋企都長期戴住口罩，以保護妻兒健康，真係唔話得！

此外，Aimee亦貼出阿Mo幫7歲大仔Aiden剪髮的照片，她以英文留言：「@moses_chan_ had a few hours before filming a few days ago and he does daddy duty before heading off to work. I remember realising he was better at this than me a few years back and secretly I was jumping for joy as one less thing off of mama's long to-do list! Guilty! #cuttinghair #cny2021 #daddylife #actorslife #hissidejob（阿Mo日前喺拍攝前有幾個鐘，佢都盡咗爸爸嘅責任先去開工。記得佢呢方面（剪髮）比我叻，喺我張長長嘅to-do list入面又少樣嘢做啦，好開心，同時都好有罪惡感！）」