「大美人」關之琳向來鍾意買磚頭，佢位於半山嘅豪宅更令人羨慕！將喺本月19日無綫播出嘅節目《天天開運王》中，堪輿學家李居明登堂入室，帶大家睇吓關之琳間市值約1.5億元嘅風水屋！
關之琳豪宅有成3,000呎，弧形大窗唔只有氣派，仲相當透光，令佢屋企生氣勃勃，關之琳又擺咗張雲石大餐枱，最啱招呼朋友食飯同歎紅酒李居明指呢間豪宅簡直係一個風水教室，可俯視香港龍脈。
李居明又提到關之琳係清朝八旗後裔，祖先有鰲拜、榮祿及曹雪芹等，可以上去睇風水簡直感到榮幸，關之琳亦對李居明嘅風水評論好欣賞，可謂惺惺相惜。
關之琳更難得公開其名貴高跟鞋收藏，李居明即教對方「呼形喝象」嘅家居風水旗鼓，非常實用。而《天天開運王》因大受歡迎，已鐵定添食。
來源 source: http://hk.on.cc
|
鍾意就快D Share啦！
|
|
|
