「安心事件」令許志安人生經歷重挫，經過兩年時間的修復及反思，他終於ready正式復出，近日事業亦有新開始，希望以真誠改過用時間去挽回觀眾對他的信心。據知安仔下個月便會起程到台灣拍劇，作為復出新的起步，疫情期間將留台工作個多月，太太Sammi近日亦陪安仔keep fit凖備，精神上支持老公重新出發，據知今次安仔接拍的台灣劇《接招吧！製作人》（暫名），以歌手奮鬥史為題材，安仔看過劇本後對新作有信心，一切準備就緒！
- 久未拍劇的許志安，選擇復出頭炮拍台灣劇《接招吧！製作人》，劇中演回歌手角色。
- 對上一次拍劇已經是三年前，參演ViuTV劇集《瑪嘉烈與大衛系列前度》，演出洛奇一角佔戲頗重，據知ViuTV近日亦傾洽安仔有新合作。
- 演出經驗豐富的許志安，早年已拍攝不少TVB劇集，06年與胡杏兒合拍《肥田囍事》，角色更令他入圍TVB《萬千星輝頒獎典禮》「最佳男主角」候選名單。
知道要一步步嚟
知道要一步步嚟
去年六月許志安為ViuTV音樂節目《Chill Club》演出試水溫，久違了的唱功未有生疏，真誠表現得到不少支持聲音。據知情者透露：「始終咁耐未有出嚟面對觀眾，安仔初頭都好緊張，好彩太太Sammi一路俾好多信心安仔，鼓勵佢只要覺得ready就去做，用最真實一面俾觀眾睇就得，話觀眾一定會感覺到佢嘅誠意同努力，嗰次演出反應唔錯，令安仔有返信心，個人亦輕鬆咗好多，不過佢冇心急，知道要一步步嚟，而且疫情影響好多嘢都推遲咗，不過依家兩首新歌都錄好咗，佢都覺得係適當時候要正式返出嚟！」
揀歌不容有失
揀歌不容有失
與安仔一直並肩作戰的太陽娛樂，去年已努力為安仔鋪路，計劃今年推出兩首新歌，揀歌亦嚴陣以待，新歌題材更加不容有失。據知情者透露：「話晒係重新出發嘅第一首歌，題材直接反映到安仔依家嘅內心世界，希望俾人感覺到佢呢兩年嘅內心轉變同領悟，所以歌詞內容會好正面同積極。」
- 閉關兩年期間，安仔上年開始跟音樂人伍仲衡學彈鋼琴，近日努力嘗試作曲，希望廣闊自己的音樂思維和領域！
- 上年安仔在社交網上載彈結他短片，清晰可見他左手無名指戴上婚戒，這個一生一世的定情信物，就如同他心中絕對不能錯過的大愛好老婆Sammi一樣，令他珍而重之。
無綫、ViuTV搶人
無綫、ViuTV搶人
近期無綫、ViuTV在劇集和綜藝節目上鬥到出晒面，ViuTV近作如《暖男爸爸》、《男排女將》都大獲好評，《造星3》又聲名大噪！最近繼續向外援埋手，原來亦秘密傾過安仔拍劇，而近日無綫人事變天，新上場的曾志偉掌管綜藝、音樂製作和節目，亦積極挖角省靚招牌，拉攏實力演員和歌手合作，一樣有傾洽安仔復出參與演出。不過同無綫及ViuTV關係友好的許志安，為免得失任何一方，復出頭炮不是拍港產劇集，而是飛台灣拍劇。
- 曾志偉回歸無綫加入管理層，重整綜藝節目，近期便積極拉攏外援助陣，亦有傾洽許志安復出演出。
兼唱主題曲
兼唱主題曲
上月太陽娛樂舉行新春團拜，安仔聯同公司旗下藝人出席，席間透露今年會嘗試作曲和拍劇，原來一切如箭在弦，安仔下月將飛台灣拍攝一部勵志劇。據知今次安仔接拍的台灣劇集《接招吧！製作人》（暫名），由台灣知名導演、2019年憑電視劇《用九柑仔店》，奪得第55屆台灣金鐘獎戲劇節目「最佳導演獎」的高炳權執導，劇集以2000年樂壇為背景，描述歌手奮鬥史，全劇由十二個單元故事組成，其他歌手演員還有蕭煌奇、周華健等，而安仔就參演其中一個單元，更會為該劇主唱主題曲。據知情人士透露：「上年電視台已經傾安仔演出，不過安仔對復出好緊張，佢睇咗劇本好鍾意個故事，覺得角色好有正能量，所以決定嘗試。」 ![許志安近日跟隨太太鄭秀文嘗試「168」減肥法，在太太支持鼓勵為復出操fit準備，事半功倍。]()
- 許志安近日跟隨太太鄭秀文嘗試「168」減肥法，在太太支持鼓勵為復出操fit準備，事半功倍。
![為求拍攝順利，安仔近日便積極埋首讀劇本和鑽研角色。]()
- 為求拍攝順利，安仔近日便積極埋首讀劇本和鑽研角色。
![將留台個多月拍劇，起程前安仔爭取時間陪太太，早前被本刊捕獲二人拍拖到超市上糧，夫妻揀食材有商有量，主攻蔬菜等健康食品。]()
- 將留台個多月拍劇，起程前安仔爭取時間陪太太，早前被本刊捕獲二人拍拖到超市上糧，夫妻揀食材有商有量，主攻蔬菜等健康食品。
![新劇角色正面，安仔看劇本後非常喜歡，據悉太太Sammi亦俾了不少意見安仔，為他復出打下強心針。]()
- 新劇角色正面，安仔看劇本後非常喜歡，據悉太太Sammi亦俾了不少意見安仔，為他復出打下強心針。
出席新劇發佈會
已經三年未有拍劇的安仔，為復出不敢怠慢，近日已埋首讀劇本及鑽研角色，四月便啟程出發台灣拍攝，他亦努力keep fit保持最佳狀態。據知情者透露：「因為Sammi要留喺香港錄歌，又要照顧媽咪，應該唔會同行，不過佢都俾好多意見安仔，呢排又陪老公一齊操fit，今次安仔除咗拍劇，亦會喺當地灌錄劇集主題曲，亦會出席新劇發佈會，可以話係「安心事件」之後，佢喺海外第一次面對傳媒訪問。」
以真誠出發努力向前，安仔復出亦再冇顧慮！ ![Sammi去年面對父親及愛犬Lucky離世深受打擊，同樣傷痛的安仔與太太互相扶持，夫妻同心走過情緒低谷！]()
- Sammi去年面對父親及愛犬Lucky離世深受打擊，同樣傷痛的安仔與太太互相扶持，夫妻同心走過情緒低谷！
![許志安正式復出，不過同樣因「安心事件」事業插水的黃心穎，就冇咁好彩，仍被無綫八年約綁死，又未被安排新工作，翻身冇期！]()
- 許志安正式復出，不過同樣因「安心事件」事業插水的黃心穎，就冇咁好彩，仍被無綫八年約綁死，又未被安排新工作，翻身冇期！
----------------------------
和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
- 許志安近日跟隨太太鄭秀文嘗試「168」減肥法，在太太支持鼓勵為復出操fit準備，事半功倍。
- 為求拍攝順利，安仔近日便積極埋首讀劇本和鑽研角色。
- 將留台個多月拍劇，起程前安仔爭取時間陪太太，早前被本刊捕獲二人拍拖到超市上糧，夫妻揀食材有商有量，主攻蔬菜等健康食品。
- 新劇角色正面，安仔看劇本後非常喜歡，據悉太太Sammi亦俾了不少意見安仔，為他復出打下強心針。
- Sammi去年面對父親及愛犬Lucky離世深受打擊，同樣傷痛的安仔與太太互相扶持，夫妻同心走過情緒低谷！
- 許志安正式復出，不過同樣因「安心事件」事業插水的黃心穎，就冇咁好彩，仍被無綫八年約綁死，又未被安排新工作，翻身冇期！
來源 source: http://nextplus.nextmedia.com
|
鍾意就快D Share啦！
|
|
|
