姜麗文撐秦沛止戲癮
譚俊彥下令狄龍息影，全因一個「孝」字，其實圈中不乏孝順星二代，秦沛女兒姜麗文、徐少強和雪梨的女兒徐頴堃就是好例子。姜麗文直言不想爸爸過於操勞：「爹哋對人生計劃非常清晰，總之我哋開心佢就開心，佢鍾意做嘢就做，幾時休息就休息，當然我哋都唔想佢太辛苦但佢真係好享受拍戲，好令人鼓舞。」徐頴堃亦表示不會叫父母退休，並大讚：「爸爸就算工作到幾夜，都會一早起身做運動鍛煉身體，每次拍戲都唔使帶劇本，仲記得晒對手嘅對白；媽咪有唱歌，閒時會做義工，最近我哋第一次同台添！」
另外，姜麗文前晚偕哥哥姜文杰及叔叔姜大偉一家錄影《流行經典50年》，相當熱鬧。談到婚禮一再改期，她說：「一切等疫情完咗先，況且我同未婚夫一齊住，已經有老夫老妻嘅感覺。」至於姜大偉兒子卓文決定入行，記者笑言要靠爸爸及姐夫曹永廉幫手發掘機會，姜大偉說：「靠佢自己同你哋（記者）呀！」
來源 source: http://orientaldaily.on.cc
|
鍾意就快D Share啦！
|
|
|
