懷有第3胎嘅模特兒郭玥彤（前名郭穎兒，Celia K.）就快生得，不過佢就冇因為咁而休息，反而拍片放上網講吓懷孕後期嘅情況，片中除了開頭她齋講開場白外，其他片段全部都係由佢老公操刀拍攝，之後再剪輯而成，影片非常生活化，當中更有不少爆笑畫面，暴肥了50磅嘅Celia K全程素顏上陣，佢都明言因為未試過咁醜樣，掙扎咗好耐係咪公開片段，不過最後佢都選擇將影片同網友分享，但係最後一段就相當令人擔心，因為佢疑似穿羊水！
影片中見到Celia K.不停食東西，於老公眼中絕對係一名吃貨，更一度食到衫都爆埋，而最爆笑莫過於喺停車場時，差啲唔夠位落車，Celia K.表現得有點心急，而老公同阿女就企喺度笑。不過鏡頭一轉就見到佢身處戶外，身穿嘅大肚婆裙Pat Pat位濕咗一大片，疑似穿羊水，但佢就異常鎮定，表示冇想生嘅感覺，反而揸機嘅老公就好緊張，極速載佢去診所，期間仲打電話畀玄學家陳定幫擇時辰生B，不過最後都係虛驚一場，未生得住。
來源 source: http://hk.on.cc
|
鍾意就快D Share啦！
|
|
|
