江嘉敏首集節目搵位寸馮盈盈 爆約會例遲藉口多
- 發布日期：2021-03-30 19:23
已複製
馮盈盈同江嘉敏這對過氣好姊妹，因去年6月富豪船P事件反目，江嘉欣曾連環發功暗寸馮盈盈。原本不相往來，但TVB為製造話題增收視，將反目姊妹硬放一起變節目拍檔，一齊主持《解構心機女》，火花四濺實屬意料之內。
結果第一集如公司所願，在公在私兩女亦盡全力將心病擺出枱，達至效果。第一集話題環繞約會，講到約會多唔多遲到，呢個話題中正馮盈盈，搶住分享:「有樣叫Fashionably Late，即係好似約人傾生意，遲5分鐘為咗畀對方開電腦做準備。」聽到馮盈盈呢種遲到理由，江嘉欣即時醒神，搵位入:「唔怪得我哋約佢出街，佢都例遲，有咁多藉口遲到」
俾「仇家」寸完，事後馮盈盈接受傳媒訪問時就話，已經成年冇約江嘉敏去街，又話如過往自已有遲到，好樂意跟對方道歉，亦希望對方不要放在心。第一集已經開火，睇嚟之後呢對「仇家」過招陸續有嚟！
兩女雖然唔啱咀型，但卻有共通點，彼此同樣是非多多，呢方面江嘉敏亦稍為領先，繼被爆背男友，與男友的朋友計劃出埠約會外，又向對方列出100樣手信清單，要求對方買給她，暴露貪婪性格，早前她又被揭借環保為名，賣贈品搵錢為實。一波未平，未幾再遭網民爆她用盡藉口，𢯎生果店長期贊助，之後被網民取笑她連幾百元的生果錢都唔放過。
至於馮盈盈，就有新鮮滾熱辣得罪姜糖事件，在節目記者會對住疑扮姜濤的鄧智堅話:「夠膽嚟踩場......拍到係變薑蓉！」，結果惹怒萬千姜糖，洗版式留言鬧爆，之後以為放姜濤合照扮粉絲補鑊，卻被網民踢爆IG根本沒follow MIRROR及姜濤，越兜越出醜。
----------------------------
壹週刊 31年 和你壹路同行
回顧31年走過的路
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|
