2021年3月30日星期二

【好鍾意唱歌】豪花六位數字炮製新歌徐加晴化身火鳳凰浴火重生

徐加晴(Rona)首次自資六位數打造新歌《未來未來》，MV有多個型現身。

曾修讀英國劍橋藝術大學音樂課程嘅歌手徐加晴(Rona)近日推出本年度首支單曲《未來未來》，首次自資六位數打造新歌，而歌曲繼續以社會現狀和自己的世界觀作出發點。

近日加晴於清水灣拍攝新歌MV，MV化身火鳳凰浴火重生，歌曲風格亦比以往歌曲不同，加晴亦邀請到Rapper KZ參與：「今次新歌《未來未來》嘅曲風係一個新嘗試，有潘雲峯（糖兄）做編曲監製，當中亦邀請到KZ係歌曲加入Rap嘅元素令到首歌更加突出。」

眾多造型之中，加晴最喜歡火鳳凰的造型，鼓勵大家要對未來抱存希望，好似火鳳凰咁浴火重生。

盡地一鋪搏一搏

加晴續指今次的MV用了6位數字去完成，比過往花了更大的手筆。她亦感謝美術組團隊為她搭建了不同的場景令到歌曲的畫面更豐富：「無論係枯葉樹窿嘅場景，抑或最高女祭司場景，每一個細緻位包括一本書一個月亮都係全人手做，身後嘅佈置全部都好仔細，靚到不得了！搞到同場工作人員都忍唔住即場打卡放上網。」

至於造型方面，徐加晴以多個造型上陣進行拍攝，包括塔羅牌中「最高女祭司」。她表示：「我覺得今次MV團隊每一個都好似魔術師咁變畀我睇，真係令我好激動又好感動啊！我演繹嘅角色都完全幫我安排好每一個細節位，雖然自資嚟講係有啲吃力，不過見拍攝效果非常好就覺得一切都值得。」而「未來未來」MV中，加晴亦以火鳳凰造型於大火前演唱：「因為我要拋個火把去燒個樹窿，我自己都幾緊張下，我都驚拋唔中然後燒著其他嘢，好彩MV最後都順利完成拍攝。」

被問到會否因投資太大手筆而缺乏資金製作其他歌曲，加晴笑指：「今次都算係盡地一鋪搏一搏，不過其實自己本身都預留左Budget去造今年其餘嘅歌曲，所以都OK嘅。」