回顧操肌舊照被錯認林作 吳業坤大呻:唔好再騎劫我
林作將於9月中在擂台迎戰「富三代」鍾培生，近日他積極備戰操練，又自言每日會分享一張操肌相，讓大家見證其身形變化。昨日網上流傳一張「林作」操練成果的照片，相中人由肚腩大大的肥仔，變成鋼條身形的大隻仔，不過後來網民發現相中人原來不是林作，而是吳業坤。
吳業坤昨日在Facebook回顧一年前的相片，當中是他健身前後的對比圖，左邊是他於17年拍攝的「肥仔相」，右邊則是他19年於紅館個唱的爆肌相，坤哥留言：「希望下個月生日可以再做到啦，回帶！」不過一班網民竟誤認左圖的肥仔是林作，坤哥留言：「本來呢個係勵志post….」、「你哋唔好再騎劫我」，又有網民笑指坤哥抽林作水：「睇咗好耐，以為佢串林作。」，令坤哥非常無奈。
一向愛抽水炒作的林作當然唔會放過曝光機會，他在Facebook轉發報道，並留言：「搞掂！練拳練到9月，到時操得好，親自上陣。搞唔掂，搵坤哥頂，分幾皮俾佢。贏咗，話係林作打贏。輸，叫坤哥認其實係佢。」之後有網民為坤哥平反，指佢比林作好好多，希望佢睇到會開心返。
來源 source: http://hd.stheadline.com
|
鍾意就快D Share啦！
|
|
|
