藝人江嘉敏近日是非不斷，佢喺社交網Post同媽咪做Mask嘅相，但有網友將截圖放上討論區，圖文並茂指「江嘉敏媽咪」嘅帳戶鬧人。截圖顯示有人話：「馮盈盈靚過你好多喎，你加唔加filter都係咁嘅樣！」「江母」即留言鬧對方：「肺炎等緊你！」、「瘋狗症加肺炎，係唔係行錯地方講錯嘢？」令好多網民反感及狂批佢嘅言論！
睇番留言，有網友發現江嘉敏喺尋日出同馮盈盈嘅「破冰」Post度，都有回覆「江母」嘅留言：「佢把口臭過乜嘛！有冇打佢吖？」彼此都有互動，今日再翻查佢個社交網，發現佢刪除給「江母」的留言。
東網致電江嘉敏，了解咗件事後，佢否認係媽咪帳號之餘，仲扯火話有人刻意針對：「我有Add我媽咪，個Account名根本唔同，唔明啲人點解咁黑心做呢啲嘢，我再講多次你點抹黑我都好，唔好搞我屋企人，呢個係我底線！」佢愈講愈嬲，再鬧：「做人要有底線，上網開個Account請打手唔使負責任，但咁係完全唔應該！」稍後佢喺限時動態發文鬧唔好再觸及佢底線，不過隨後佢秒速刪除！
來源 source: http://hk.on.cc
|
鍾意就快D Share啦！
|
|
|
