2021年4月23日星期五

為21年老友杜Sir慶祝66歲牛一鄭秀文甜笑捧蛋糕挨實壽星公 #鄭秀文

為21年老友杜Sir慶祝66歲牛一鄭秀文甜笑捧蛋糕挨實壽星公

Sammi同杜Sir相識21年Keep住老友。

鄭秀文（Sammi）同相識21年嘅杜琪峯（杜Sir）夫婦好Friend，每逢過年過節或生日都會相約慶祝又飲又食。Sammi今日喺IG Po出跟杜Sir夫婦、鍾楚紅（紅姑）、韋家輝夫婦及張叔平合照，個個笑容滿面超開心，原來係跟22號66歲生日嘅杜Sir慶祝，捧著生日蛋糕嘅Sammi用鬼馬眼神望住壽星公，個樣超精靈，又挨晒落對方身上感覺好小朋友；還透露品嚐的菜式有「超大碼螺」及「忘了什麼蝦」，海鮮餐好吸引呀。

Sammi感性留言：「對我而言，每年非常重要的日子，就是杜sir的生日。昨晚，還有紅姑，韋生（韋家輝）韋太和阿叔（張叔平），當然還有杜太簡單吃飯聊天，就是幸福的一夜。」Hashtag係二十一年前認識杜sir至今及我最尊敬的杜sir。

翻查資料，21年前Sammi接拍杜Sir及韋家輝執導的《孤男寡女》，一拍即合 Friend 足21年。