2021年4月28日星期三

【尋人記】囡囡9歲生日王浩信唔見影陳自瑤親自布置派對做好媽媽 #尋人記 #王浩信 #陳自瑤

【尋人記】囡囡9歲生日王浩信唔見影陳自瑤親自布置派對做好媽媽

陳自瑤為囡囡慶祝9歲生日，但卻未見王浩信蹤影。

陳自瑤（YoYo）同老公王浩信嘅夫妻關係成為網民談論話題，早前在TVB台慶頒獎禮上王浩信封視帝，所講嘅一番感言，竟然激罕多謝頻傳離婚，坐喺台下嘅太太陳自瑤：「多謝屋企人，多謝YoYo悉心照顧個女⋯⋯」點知YoYo「黑面」回禮，隨即被Cap圖洗晒社交網版，兩人婚姻狀況再被炒熱。

陳自瑤與王浩信嘅囡囡王靖喬（QQ）(27日)9歲生日，身為廿四孝媽咪嘅YoYo喺屋企為囡囡搞生日派對，仲好有心思咁買咗色彩繽紛氣球做裝飾，牆身更貼上「Happy birthday QQ（生日快樂）」的造型氣球，相當有心思，而YoYo身穿嘅天藍色衫仲襯晒氣球顏色。YoYo放咗相片及短片喺社交網分享歡樂，留言指囡囡係佢嘅小天使：「小寶貝生日快樂。」然而無論在照片還是短片，都未見王浩信蹤影，身為爸爸竟唔見影，亦冇畀Like或留言祝福，反而唔少圈中好友包括楊秀惠、黃翠如、朱晨麗、姚子羚及陳山聰都有祝賀。