歌手谷婭溦（Vivian）首張個人專輯《哭牆》在旺角宣傳，一班藝人好友趙希洛、林淑敏、許家傑、黃子恒、楊卓娜、伍富橋和前組合BOP的許俊豪等支持。Vivian推出人生第一張碟，說感動喊了好多次，特別見到剛康復出院的表姐名媛胡曦文出席，更眼濕濕，但就鬧吳業坤放飛機：「吳業坤呢個衰人，冇得原諒，今日唔見佢，嬲佢一世，佢呃我、講大話，尋晚話今日喺油麻地做嘢，會攝時間嚟。」
而谷爸爸買了100隻碟撐女，Vivian扮嬲吳業坤後仍錫住對方，笑言：「罰買10隻碟就唔嬲。」無綫高層何麗全亦有到場，Vivian大方表示已留了2隻碟準備送給已離職的何哲圖和即將離開無綫的余詠珊。對於公司大變動，令專輯一再延遲推出，Vivian一度以為專輯出唔到，她感慨說：「本身專輯係配合《香港愛情故事》劇集，2019年應該出，CD cover 3年前就影咗，覺得係冥冥中自有安排。」又說若能賣出3,000隻，會請所有人食飯慶祝。
吳業坤接受訪問時表示：「我同佢講如果我做訪問攝到時間會嚟，佢知咩事，可能耐冇見，想見吓我啩！（佢話嬲你一世？）係咪咁唔使聯絡啦？我隔離嗰時，佢都話買米線畀我食，但冇囉，我都嬲佢一世！（氹番佢）唔氹。」
來源 source: http://hk.on.cc
|
鍾意就快D Share啦！
|
|
|