因恩師余詠珊即將離巢無綫，不少粉絲都擔心陳貝兒未來路向，而事實上近期她亦減少露面，不過遠方傳來「好消息」，貝兒仍獲無綫重用，今日已低調前往內地，隔離期滿後為全新節目拍攝外景。由於高層對該節目相當重視，暫時嚴禁台前幕後對外透露端倪。
身在內地的貝兒回覆東網表示：「其實拍《嫁到這世界邊端》系列，令我變『執篋達人』，本來唔係好驚執行李，但今次因為隔離關係，一去就要去3個幾月，最快7月尾先返到，要帶好多防疫用品傍身，出發前執行李覺得有選擇困難症！」她笑言很多朋友都關心她會否再拍《嫁》系列節目，貝兒坦言：「係有咁嘅計劃，希望出年年頭可以成事。今次嘅節目就係全新嘅，同《嫁》節目無關啦。」
而出發前貝兒開Live與粉絲聊天「話別」，不少人留言叮囑她小心、好好照顧自己，而最令她感動的，是閨蜜為她預先慶生：「早咗好多，我6月先生日，不過佢哋真係好有心，今個生日應該好難忘。」
來源 source: http://hk.on.cc
|
鍾意就快D Share啦！
|
|
|