藝人高海寧（高Ling）為燒脂產品拍攝廣告，她以單肩露腰裝配短裙上陣，大騷收身成果，她表示今次以健康方法減肥：「唔係瘦就靚，係講線條，對自己線條滿意，以前瘦嘅文化係皮包骨，依家唔同，應瘦則瘦，應肥則肥。」她稱最近努力練蜜桃臀，臀部現時非常結實，可承受70磅的負重運動，問到三圍數字，她只肯透露腰圍：「我由26吋減到24吋，有少少馬甲線。（上圍有冇縮水？）全身瘦難免會瘦。（覺得可惜？）我依家個身形唔驕人咩？依家好靚。（要換過晒啲內衣？）冇，因為個Cup數冇變。」
她坦言體重沒有大變化，但體脂減少，肌肉量增加，S身形穿起貼身運動裝更靚，問到身形更好，會否吸引更多異性埋身？她笑言：「我有啲遲鈍未感覺到，而且喺健身室有人數限制，不過喺健身室見到其他人做運動咁勤力，會互相鼓勵到。」
來源 source: http://hk.on.cc
|
鍾意就快D Share啦！
|
|
|