一連三場的《鄭中基自駕演唱會2021》昨晚於中環海濱活動空間舉行首場，今次演唱會打破香港演唱會傳統，首次設有「車位」，觀眾可駕駛汽車入場欣賞。大會表示昨晚首場有116部車輛入場，會場內設有四行「車位」，位列頭排的全是超跑，包括法拉利、林寶堅尼及麥拿侖等。演唱會開始不久，已有觀眾落車睇騷，有觀眾稱坐在車內太焗，所以早已預備坐椅，打算坐在車旁觀看演唱會，但被現場保安勸阻。
車位後方的觀眾席，由於被「車位」隔開，所以就算坐「第一行」，與舞台相距差不多近百米，但未有影響觀眾觀賞心情，坐在前排的Nana大叫：「好正」，她的朋友Choco則指最愛《星光伴我心》，她說：「因為條片有我隻狗喺度。」另一觀眾Ryan亦表示好精彩：「氣氛好好，最鍾意嘉賓出場嗰段，現場環境空氣好流通、好舒服。」
不少圈中人如林二汶、森美、王苑之、釗峰@C AllStar及孫慧雪夫婦等都有前來捧場，演唱會約8時15分開始，鄭中基（Ronald）以《人若然忘記了愛》為演唱會揭開序幕，並以獅子山及疫情下港人生活作背景。
「人若然忘記了愛 忙著和時間比賽
求你和我於窗前細心一看
每一天風雨 每一片塵埃
也為你真摯的記載」—《人若然忘記了愛》
- 鄭中基以《人若然忘記了愛》為演唱會揭開序幕，並以獅子山作為背景。
- 「車位」位於觀眾席與舞台之間，就算坐第一行也相距頗遠。
- 觀眾表示室外場地空氣流通，而且氣氛很好。
- 演唱會以美式風格布置，配合「Drive in」主題，相當搶眼。
其後Ronald感謝觀眾入場欣賞演唱會，又表示是首次在「香港」開演唱會，當人人聽到一頭「黑人問號」之際，Ronald解釋說：「之前喺『九龍』開（指紅館），今次仲唔係第一次喺『香港』開？」又笑稱下次到新界開演唱會，之後再來個「巡迴個唱」。
在個唱中，不時加入香港社會情況作為背景，Ronald唱《爛瞓》時，背景播出受疫情影響的人片段，當中更有確診第四期肺癌的前TVB藝人陳積榮，並播出陳積榮與女友的合照，末段螢幕上顯示「世界如何變但有你」，場面感動。
「從不懂氣氛不會搞花臣 我是悶人
能做妳的配襯 朋友都當新聞
如果我在這晚胡亂得很 然後扣分
留待妳窩心的教訓」—《爛瞓》
Ronald指今次演唱會主題是「人人都是鄭中基」，當他感謝在場工作人員時稱：「現場手足你哋做到我有如天王巨星，所以人人係鄭中基，一個都不能少，相信未來嗰個鄭中基，知道你哋支持會好開心。」又指在座每一位都是手足，接著唱出《想愛你》。
「如果 何日街中碰到
都見我是一個 可清楚
日子的喜與悲 想跟你渡過」—《想愛你》
在唱《廢中》前，Ronald表示此歌是今年3月離世的Gary Tong（唐奕聰）所做，Ronald在台上說：「以前我每次演唱會佢都幫手做，佢跟得足，仲會做多，所以佢喺度好安心，咩都幫我搞。希望大家開燈幫手唱《廢中》，送畀Gary Tong。」台上亦放有一個空keyboard位置紀念Gary。
可能是首場關係，轉歌時不時出現冷場，期間Ronald在台上拆咪時更不慎爆出：「條線撠X住」，令現場觀眾爆笑，Ronald即時補鑊：「哎呀，都係唔好講咁多嘢。」之後Ronald再大放笑彈，評論現時樂壇，他說：「MIRROR其實無啖好食；林家謙真人都好瘦，所以一號風球我都勸佢唔好出街，驚佢吹起咗；胡鴻鈞連腮骨都冇埋，真係好冇陰公。」又稱衞蘭、Serrini、欣宜及林二汶：「睇佢哋從來都冇餓過，我都係講笑，希望大家一路供養香港嘅歌手，姜濤咁後生已經識諗，畀機會我哋香港歌手啦，總會成為亞洲第一。」隨後Ronald與吳林峰合唱《樂壇已死》，末段柳應延（Jer）更驚喜現身台上，雖然只唱了一小段，但現場觀眾熱烈反應，不停大叫Jer的名字。
Ronald指過往其個唱均在農曆年舉行，但今年因疫情限聚令關係而未能開騷，當3月限聚令放寬至4人後，即馬上籌備，Ronald稱：「由冇到有，有好多人幫手，召集咗500幾位行內人幫手，疫情時好多人都返part time，有啲去咗超市打工。知道放寬時，覺得唔好理喇，叫晒大家嚟開工，唔理會唔會再收緊，最緊要大家有工開先。好多謝大家短時間幫到我完成演唱會，由搭台到音樂，所有都好好。」RubberBand則擔任首場嘉賓，與Ronald合唱《發現號》，氣氛高漲。
![Ronald大讚姜濤識得諗，以亞洲第一為目標，並呼籲港人支持香港音樂。]()
- Ronald大讚姜濤識得諗，以亞洲第一為目標，並呼籲港人支持香港音樂。
----------------------------
壹週刊 31年 和你壹路同行
回顧31年走過的路
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
- Ronald大讚姜濤識得諗，以亞洲第一為目標，並呼籲港人支持香港音樂。
來源 source: http://nextplus.nextmedia.com
|
鍾意就快D Share啦！
|
|
|