藝人林峯同老婆張馨月參加大陸真人騷《妻子的浪漫旅行5》，節目未播出街佢哋已經罕有高調放閃，早前佢哋就Post過愛情保鮮清單，點知今次佢哋索性喺鏡頭前咀畀大家睇！
平時鮮有講感情事嘅林峯，今次同老婆一齊出鏡已經好Surprise，今次佢哋為配合宣傳，喺預告片中就煙韌到暈，張馨月配合劇情同老公林峯講：「對了，老公我要去旅行了，我給你留了3樣東西。」林峯一臉疑惑，張馨月就繼續講1句就錫老公臉仔1啖，兩個人都笑到見牙唔見眼，林峯喜上眉梢，去到第3句嘅時候就話：「我知道第3樣是甚麼了。」跟手嘟起嘴仔準備咀向嬌妻「回禮」，點知就被張馨月一掌推開，張馨月話：「你想多了！」
唔少人睇完個宣傳片即刻大讚佢哋似足熱戀中嘅情侶，又煙韌又Sweet，林峯更加冧樣盡現，睇嚟佢都好Enjoy同大家分享2人嘅甜蜜相處。
來源 source: http://hk.on.cc
|
鍾意就快D Share啦！
|
|
|
