盼盼姐主持的香港開電視節目《盼你賞面》於本周六（1日）播出一集，邀得家英哥大談演藝路。
羅家英早前為「武打女星」楊盼盼主持的香港開電視節目《盼你賞面》擔任嘉賓，席間盼盼姐還炮製「紅燒元蹄」款待對方。談到二人的相識淵源，盼盼姐即笠高帽說：「家英哥係我京劇同門師兄，做到你師妹，我真係覺得好榮幸。」
自幼學習粵劇的家英哥，長大後仍醉心粵劇界發展，至1991年獲導演黃志強邀請首次參與電影《重案組》拍攝，開拓了其電影事業，家英哥說：「嗰時黃志強睇報刊，覺得我個樣同個角色好相似，又有少少『地中海』，於是搵我拍呢個角色，我梗係一口答應。之後因為呢套電影，許鞍華搵我拍《女人四十》，而鄭丹瑞發現羅家英都有喜感，於是搵我客串《姊妹情深》，演一個法官搞吓笑，谷德昭睇完《姊妹情深》後，介紹我畀周星馳識，接拍《國產凌凌漆》。」
盼盼姐特意炮製「紅燒元蹄」款待家英哥。
家英哥形容1994年是其人生的高峰點，接拍了《女人四十》、《國產凌凌漆》、《西遊記第壹佰零壹回之月光寶盒》等多套電影，而《女人四十》更榮獲《第32屆金馬獎》及《第15屆香港電影金像獎》的最佳男配角，他說：「金馬獎宣佈得獎嗰刻，我呆咗兩秒，張國榮喺後面大叫『家英哥係你喇』，感覺仲好似矇查查咁，不過係開心，好記得係袁詠儀頒奬畀我，呢啲都係運氣嚟，可以遇到一個能夠得獎嘅角色及電影。」
談到投資過三套電影，惜三套電影均未出過街，家英哥笑言：「留畀自己睇，第一部喺馬來西亞同徐錦江拍、第二部同關禮傑喺廣州拍，第三部就未知出唔出到，我仲想拍第四部，我已經有故事喺度。」
家英哥自爆投資過三套電影，惜三套電影均未出過街。
家英哥與盼盼姐於2018年一同前往大馬拍攝電影《大地回春》。
自幼學習粵劇的家英哥（左），長大後仍醉心粵劇界發展。
來源 source: http://eastweek.my-magazine.me
|
鍾意就快D Share啦！
|
|
|