餵緊人奶暫不接種疫苗 倪晨曦上圍升Cup呻唔慣
倪晨曦（Elva）今日到尖沙咀出席品牌活動，近日接下不少Job的她收入進賬不小，問可覺5個月大的囝囝Virgil好腳頭？Elva開心表示：「都係，但我冇諗過呢個問題，只係本着有工作便感恩嘅心態。（可有工作要求母子合作？）暫時冇，就算有都要睇工作類型，我唔想小朋友太辛苦，因為BB唔會聽人指揮，拍廣告嘅話就要跟商戶要求控制佢做某啲嘢，我唔想迫小朋友做一啲指定動作。」
提到下月便度過升呢人母後首個母親節，Elva笑稱：「可能自己做一張母親節卡，再打下BB嘅手指模，話係BB送畀我嘅母親節禮物，再屈BB同我食飯，哈哈！」去年9月跟圈外男友吳嘉釗簽紙結婚的Elva，續指今年多了一位媽媽就是奶奶，應該會跟家人吃飯慶祝，而自己的媽媽身在外國，故會請妹妹代送花給媽媽作禮物。
問到可有打算接種疫苗？Elva說：「我仲餵緊人奶，所以暫時唔會接種，等囝囝半歳後再算。」由於餵人奶令上圍升了一Cup，她直言很不習慣，很想盡快回復過往的身形，那麼老公是否喜歡她升Cup後的身形？Elva尷尬道：「佢冇評論呢件事。」
來源 source: http://hd.stheadline.com
|
鍾意就快D Share啦！
|
|
|