「我返咗嚟！」
這是莫文蔚跟Juno合作新歌《因一個人而流出一滴淚》的開場白。
回來是為了告別。
六月巡廻演唱會，香港是尾站，莫文蔚說也是她告別華麗大型舞台的最後一次演出。
「去年英國封城，有一日收到Juno短訊，話手上有一首歌好適合我，我聽完之後，覺得首歌好能夠配合，自己唔再舉辦大型演唱會呢個決定。除感覺有氣派，仲隱含咗對守候我多年既歌迷，一份依依不捨、感激之情。」她說。
莫文蔚說，歌曲還有更深層次意思，這要回溯至95年，她跟周星馳合作電影《西遊記大結局之仙履奇緣》，她飾演的白晶晶跟戲中的至尊寶決定成親，她飛入對方的內心世界窺探，結果發現朱茵飾的紫霞仙子，在至尊寶的心裡留了一滴淚，原來兩人早已深愛，她於是在成親日離開。
同樣，她也希望離開歌迷的那一天，大家都會記着她。
還未到正式離開，莫文蔚先行離開她很享受又好能發揮的大舞台。
「因為今次係我最後一次會做呢類大型巡廻演出，香港係今次巡廻最後一站，仲要喺自己家鄉，所以各方面意義都好重大，對我嚟講已經好震撼，因為我以後唔想再用呢種巡廻演出方式，喺台上同大家分享我嘅音樂。」她說。
對她來說，這決定並非只出於個人，而是一個比較遠大的考慮。
「因好多浪費，包括好多人力物力資源時間，整事好唔划算，尤其如果每星期到不同城巿演出，基本上只係喺好大足球場演出一場，每星期一大班人，唔單只我一個，因為我要做一個騷，然後牽連好多人。另外可能有啲fans都會跟住一齊去不同地方，我覺得嗰種資源浪費，尤其本身都好緊張地球暖化呢啲議題，我覺得同自己做緊呢件事好有衝突，本身有責任保護環境。」Karen指每次搭舞台前的一晚，心情好興奮，但翌到一大堆垃圾，又認為整件事不合埋。
- 莫文蔚說，在英國期間，Juno給她聽新歌DEMO，她聽後很有感覺，於是有新歌《因一個人而流出一滴淚》。
- 六月巡廻演唱會，香港是尾站，莫文蔚說也是她告別華麗大型舞台的最後一次演出。
神奇的家庭生活
神奇的家庭生活
如此充滿矛盾，也是時候作出取捨。「我當然會繼續唱歌，因為音樂始終係人生最愛，但分享音樂其實有好多不同方式。例如經疫情之後，大家都習慣以online形式去做各樣事。」她說。
的確，一個疫情令全球幾乎停頓。Karen當時正身處英國。
「因為係時候畀番陪老公，但無諗過返去就要逗留接近一年，無機會返嚟香港。」最令她始料不及的是，能夠在即將結婚十週年前，好好享受跟老公的家庭生活。
「雖然結婚將近十年，但去年之前仍然係空中飛人模式，當中有好有壞，又會小別勝新婚，但去因為疫情，我唔再需要經常頻頻樸樸工作，至少我可以安定少少，所以疫情未必都係壞事。」她說。
她更用「太神奇」來形容十個月的家庭生活。
「我簡直變咗另一個人，以前係工作狂，要不停奔波至覺得充實，然後留喺屋企，慢慢開始唔想去其他地方，而事實喺屋企好多嘢可以做，好似做家務，又會同老公一齊焗麵包，我哋好似做實驗咁，研突份量、溫度同發酵關係。另一樣好神奇，就係開始練番琴，讀書時每年都要考試，所以會不停學習同練琴，直至考完試，就放埋一邊。但嗰段時間，我會同老公分時段練習，仲會玩四田聯彈，好正。」她十分開心，更稱是身心充電的方法。
直至去年底，她回港探望差不多一年沒有見面的媽媽，才又開始回復忙碌生活，尤其去年她唱的大熱歌《呼吸有害》橫掃全港音樂頒獎禮。
事實，這些年來，給人聰慧的Karen像是很清晰如何走好每一步，如《食神》的「火雞姐」、不單是代表作，也是香港喜劇全盛時期的其中一個代號。而她多年來在內地、台灣開發的音樂巿場，首位得過兩屆台灣金曲歌后的香港女歌手，莫式表演風格，更未有人能夠抄襲。
「首先覺得上天真係好眷顧我，有時候我覺得太鋪排，或者刻意部署都唔會有咁樣結果。好多時候，都係睇遇唔遇到時機，但機會來到，可能真有個種智慧，懂得選正確方向，呢方面，我真係靠直覺。當然，我總會有啲地方係用錯力，但無所謂，呢喺係需要經歷，唔可以每步都要有最多回報，有時候多啲，有時候少啲，或者係失都未定，但我覺得都係成長經驗。」她藉此跟樂壇新力軍共勉。
- Karen指每次搭舞台前的一晚，心情好興奮，但看見翌日一大堆垃圾，又認為整件事不合埋。
- 一個疫情令全球幾乎停頓，Karen當時正身處英國，最令她始料不及的是，能夠在即將結婚十週年前，好好享受跟老公的家庭生活。
- Karen會同老公分時段練習，仲會玩四手聯彈。
莫文蔚的蛻變
莫文蔚的蛻變
----------------------------
壹週刊 31年 和你壹路同行
回顧31年走過的路
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|