前老闆叮囑勿選圈中人 菊梓喬搵老公要高富帥
菊梓喬（Hana）受訪電台節目《舊日的足跡》，就TVB改革，Hana稱已跟新任星夢CEO何麗全會面，表示對方十分留意她，亦清楚其成長背景。她說 ：「我哋冇傾去留問題，因為我根本未完約，仲有幾年。不過佢話我好慘，因為形象被定格係一位楚楚可憐嘅歌手。歌手應該多方面發展，未來要唱多類型嘅歌曲。」
Hana說也見過曾志偉，並鼓勵她努力做好音樂。被問到會否害怕一姐地位被動搖？Hana自言入行只有5年，不單並非一姐，反而仍是新人：「我得到『最受歡迎女歌星獎』只係代表幕後嘅團隊領獎。當年發生咗好多事，可能公司冇人可揀，否則未必會選到我。」
Hana透露現時每日都跟前老闆Herman（何哲圖）通電話，對方每次都著她放心。雖然她也認為公司變動很大，但並不擔心自己的事業發展。最近有玄學家指她的真名陳曉怡很好，其事業可以去到更高更遠，她也希望有一天像王菲一樣用回真姓名。
因為家庭環境關係Hana很早已投身社會，她坦言從小到大最自豪的是自己沒有學壞，原因是她要做妹妹的好榜樣。談到愛情她卻不能自拔：「10幾歲已經開始拍拖，感覺愛情好恐怖，控制唔到，鍾意咩人，冇得迫冇得假。我初戀咗個世紀賤男，佢好多女朋友，郁手郁腳，攞晒我啲返工錢，所有節日都唔陪我。3、4年後分手，因為有人提醒我唔好將所有夢放喺一個人身上，要創造屬於自己嘅事業，分手後佢唔能夠帶走嘅嘢。」
有傳Hana與張景淳拍拖，她斬釘截鐵地否認，並謂：「我依家要搵嘅係老公，一定要高富帥，好靚仔，超級靚仔，就好似漫畫男主角一樣標緻。因為我要求愈高，愈難搵到，我就愈專心工作。我覺得女孩子一定要結一次婚，否則唔夠完整，簡簡單單簽張紙都可以。我35歲都唔使急，林志玲姐姐啱啱至結婚無幾耐，完全冇問題。我想就算結婚之後離婚都好，話晒都結過，當然我希望一生一世！父母嘅破裂婚姻未有影響我，因為我又唔係嫁畀我爸爸……我有信心將來可以搵到一位高山低谷都可以陪住自己嘅人，面對一切逆境捱過就好，再堅強一啲將來一定會好嘅。」Hana謂Herman盡力幫她發展音樂事業之餘，更似爸爸一樣照顧她，還說會為她物色對象，叮囑她勿選擇圈中人。
|
鍾意就快D Share啦！
|
|
|