全球新冠肺炎疫情仍肆虐，香港政府雖然已引入疫苗，不過現時市民接種率卻仍然偏低，唔少機構為鼓勵員工、市民打針各出奇謀。日前信和旗下「黃廷方慈善基金」及華置就宣佈共同捐出1個市值$1,080萬觀塘凱滙全新單位，讓已接種疫苗市民抽獎，今次真係打針抽豪宅！
撰文：海月｜圖片：世房地產、信和、政府新聞處
信和、華置捐凱滙1房單位、已打針永久居民可抽
信和表示今次活動只要係香港居民、持有有效香港永久居民身分證，已打針就可以參與抽獎，有機會贏取1間觀塘凱滙的一房住宅單位（樓面面積約449平方呎），市值約1,080萬港元。另外， 而所有持香港身份證嘅永久及非永久居民（包括持有工作簽證人士），亦有機會贏得由「黃廷方慈善基金」送出20個獎項，每個為「價值10萬港元的預付卡簽賬額或信用卡免找數簽賬額」。
之前已接種亦合抽獎資格
今次信和舉行的送豪宅抽獎，參加資格如下：
- 必須年滿18歲
- 已於香港完成接種兩劑新冠疫苗
- 如較早前已在香港接種了新冠疫苗的居民也可參加
- 須於2021年9月1日或之前登記，參加辦法及詳情將於稍後公佈
信和「黃廷方慈善基金」董事黃永光表示：希望透過今次推出抽獎活動，合力提高香港疫苗接種率。而社區疫苗接種亦係對抗大流行病重要一環，市民亦可藉此保護自己、親人、朋友和同事。不過，有市場人士質疑若本身有樓人士，在抽中後是否需要繳交15%稅，或要換樓避稅。若係基層戶獲得，如未能繳交差餉、地租、管理費又會幾成點？3年內沽出是否需要繳賣家印花稅？官方暫時未有提及，稍後會再公佈詳情。「地產建設商會」主席兼「會德豐地產」主席梁志堅表示已得悉信和「打針送樓活動」，相信各行家都會陸續跟隨。
&feature=emb_title
&feature=emb_title
全港約95萬人已打齊2針
根據政府最新資料顯示，香港現時已有130萬人已接種第一針疫苗，而已完成接種第二針疫苗的人有94萬人，暫時抽中凱滙豪宅的機會超過90萬份之一。不過，有專家認為抽中單位機率「易過中六合彩頭獎」，更可鼓勵年輕人接種疫苗。
來源 source: http://www.nmplus.hk
|
鍾意就快D Share啦！
|
|
|