2021年5月4日星期二

【尊重身體】吸完金做大「維修」 40歲容祖兒連睇三位醫生忙過返工 #容祖兒

【尊重身體】吸完金做大「維修」 40歲容祖兒連睇三位醫生忙過返工

容祖兒喺內地吸完金返港後，連見三個醫生做大「維修」，當中包括有牙醫。

40歲容祖兒之前參與綜藝節目《乘風破浪的姐姐》第二季，完成內地吸金之旅回港後，除了飛撲見媽咪同好姊妹阿Sa（蔡卓妍）外，隨即趁假期進入「自修」大行動，她拍片自爆一日睇咗三個醫生，包括牙醫，又去抽血做埋身體檢查等。網民笑她忙過返工，亦有大讚她懂得愛錫自己。咁又啱嘅，有健康嘅身體，先至可以繼續搏殺。

她喺社交網上載露牙齒嘅自拍照，留言：「昨天看了三位醫生，我很喜歡定期check up一下(吓)，看看有什麼需要特別注意，這也是對自己身體的尊重，今天繼續維修日，身體檢查抽血等等...感覺自己好似格蘭披治大賽的賽車，檢查過後繼續衝刺，年年驗身令你放心，祝大家身體健康！」